مواد فوراً دِکھائیں

خوش‌گوار گھریلو زندگی کے لئے کیا ضروری ہے؟‏

خوش‌گوار گھریلو زندگی کے لئے کیا ضروری ہے؟‏

آپ کے خیال میں .‏ .‏ .‏

  • محبت؟‏

  • پیسہ؟‏

  • کچھ اَور؟‏

 پاک کلام کا جواب

‏”‏مبارک وہ ہیں جو خدا کا کلام سنتے اور اُس پر عمل کرتے ہیں۔‏“‏—‏لوقا 11:‏28‏،‏ ریوائزڈ ورشن کا ترجمہ۔‏

اِس جواب کا آپ کی زندگی پر اثر

بیوی کو پیار ملے گا۔‏—‏افسیوں 5:‏28،‏ 29‏۔‏

شوہر کا احترام کِیا جائے گا۔‏—‏افسیوں 5:‏22‏۔‏

گھر والوں کا اِتحاد مضبوط ہوگا۔‏—‏مرقس 10:‏6-‏9‏۔‏

 آپ پاک کلام کے جواب پر یقین کیوں رکھ سکتے ہیں؟‏

اِس کی کم سے کم دو وجوہات ہیں:‏

  • خدا خاندان کا بانی ہے۔‏ پاک کلام میں بتایا گیا ہے کہ یہوواہ خدا نے آدم اور حوا کو شادی کے بندھن میں باندھا۔‏ (‏پیدایش 2:‏18-‏24‏)‏ اِس سے پتہ چلتا ہے کہ خاندان کا اِنتظام یہوواہ خدا نے قائم کِیا ہے۔‏ اِس بات کو سمجھنا اِتنا اہم کیوں ہے؟‏

    فرض کریں کہ آپ ایک بہت مزےدار کھانا کھا رہے ہیں۔‏ اگر آپ اِس کی ترکیب جاننا چاہتے ہیں تو آپ کس سے پوچھیں گے؟‏ ظاہری بات ہے کہ آپ اُسی شخص سے پوچھیں گے جس نے یہ کھانا بنایا ہے۔‏

    اِسی طرح اگر ہم جاننا چاہتے ہیں کہ ہم اپنی گھریلو زندگی کو خوش‌گوار کیسے بنا سکتے ہیں تو ہمیں یہوواہ خدا سے رہنمائی حاصل کرنی چاہئے کیونکہ وہ خاندان کا بانی ہے۔‏

  • خدا کو آپ کی فکر ہے۔‏ یہوواہ خدا اپنے کلام کے ذریعے ہماری رہنمائی کرتا ہے۔‏ آپ کیوں یقین رکھ سکتے ہیں کہ اُس کی ہدایات آپ اور آپ کے گھر والوں کی بہتری کے لئے ہیں؟‏ کیونکہ پاک کلام میں لکھا ہے کہ ’‏خدا کو آپ کی فکر ہے۔‏‘‏ (‏1-‏پطرس 5:‏6،‏ 7‏)‏ خدا آپ کا بھلا چاہتا ہے اور اُس کی ہدایات پر عمل کرنے سے آپ کو ہمیشہ فائدہ ہوگا۔‏—‏امثال 3:‏5،‏ 6؛‏ یسعیاہ 48:‏17،‏ 18‏۔‏

 کیا آپ جاننا چاہتے ہیں کہ .‏ .‏ .‏

آپ اچھا شوہر،‏ اچھی بیوی یا اچھے ماں‌باپ کیسے بن سکتے ہیں؟‏

جواب کے لئے اِن آیتوں کو دیکھیں:‏ افسیوں 5:‏1،‏ 2 اور کلسیوں 3:‏18-‏21‏۔‏