Skip to content

Olombangi Via Yehova

Select language Umbundu

Olombangi Via Yehova Via Tambuiwa Ciwa ko Atlanta, Kofeka yo Estados Unidos

Olombangi Via Yehova Via Tambuiwa Ciwa ko Atlanta, Kofeka yo Estados Unidos

Kasim Reed, usongui umue wombiali ko Atlanta, kofeka yo Estados Unidos, vukanda umue a tumisa wa soneha hati: “Ocisoko cene ci sesamela epandiyo liange. Vosi yene u kuete onjongole yoku talavayela Usoma wa Suku. Tua kapako calua upange vu linga woku kuatisa omanu kuenda olombanjaile wa siati oku eca oco vi kuatise Olombangi vikuavo Via Yehova kuenda omanu vakuavo.”

Olombangi Via Yehova via laikele oku lingila olohongele vitatu Viofeka volupale luaco lu kasi ko Geórgia, kuenda ukanda waco wa kala woku va yolela.

Ombiali yolupale yo Atlanta, ya ecavo ocicapa cimue coku yolela omanu vosi veya Kohongele Yofeka. Vocicapa caco mua sonehiwa hati: “Ndaño okuti vu kasi eci ci soka olohuluwa ecelãla Yolombangi Via Yehova voluali luosi, lomanu vakuakova kuenda alimi a litepa, ene vu likuete omunga locimãho cimuamue ... Ene vu yongola oku kemanya Yehova, Suku Yembimbiliya haye wa lulika ovina viosi.”

Oku upisa kosãi Yevambi Linene toke kosãi Yenyeye wo 2014, kua lingiwa olohongele vitatu viofeka volupale luo Atlanta. Vivali pokati kavio, via lingiwa kelimi Liongelesi kuenda yimosi kelimi lio Espanhol. Omanu va tunda kueci ci soka 28 kolofeka, va kala kohongele yaco. Kolohongele via lingiwa kelimi Liongelesi, ulandu waco wa pitiyiwa kelimi lio Russo kuenda o Japonês. Kolohongele viaco vitatu, kua kala eci ci soka: 95.689 komanu.

Vokuenda kunyamo wo 2014, Olombangi Via Yehova via sokiya 24 kolohongele violofeka kueci ci soka eceya kolofeka kuenda ci soka 16 kolohongele viaco, via lingiwila kolonepa vialua vio Estados Unidos.