Skip to content

Olombangi Via Yehova

Select language Umbundu

Alitalatu a Lekisa o Wallkill 2 (Enyenye Linene toke Cembanima wo 2014)

Alitalatu a Lekisa o Wallkill 2 (Enyenye Linene toke Cembanima wo 2014)

Alitalatu a-a, a lekisa ndomo upange woku tunga ombala yokaliye Yolombangi Via Yehova u kasi oku lingiwa oku upisa kosãi Yenyenye Linene toke, kosãi ya Cembanima wo 2014.

Elitalatu li lekisa ombala yolombangi via Yehova ko Warwick. Oku upisa konele yepĩli:

  1. Ocitumãlo coku semulula akãlu

  2. Ocitumãlo vana va nyula va pondola oku kapa akãlu avo

  3. Ocitumãlo coku semulula akãlu/loku kapa akãlu a vana va kasi ko Betele

  4. Osapalalo B

  5. Osapalalo D

  6. Osapalalo C

  7. Osapalalo A

  8. Oloseketa Viasongui/Olosapalalo Viupange

11 Yenyenye Linene, wo 2014 — Ocitumãlo Vana va Nyula va Pondola Oku Kapa Akãlu Avo

Osoka ya pangiwa lutale yoku yambela osapalalo

18 Yenyenye Linene, wo 2014 — Pocitumãlo va kasi oku tungila ko Warwick

Onele yombuelo pocitumãlo va kasi oku tungila oku vanja konele yonano ocipepi lociva Sterling Forest. Ci soka 13 kolomakina via talavaya velivala limuamue. Konele yokovaso ci tava oku mõla elisesu liosapalalo B li kasi oku pangiwa.

26 Yenyenye Linene, wo 2014 — Oloseketa/Ovitumãlo Vioku Eca Ekuatiso

Olosoka kuenda olongunji viutale, via pongiyiwa oco vi tungiwe. Olonepa viutala va tunga lavio oloseketa kuenda ovitumãlo vioku eca ekuatiso, vi ka ecelela okuti ku kala ovitumãlo vialua kuenda citava oku vi tunga lonjanga.

9 ya Mbalavipembe, wo 2014 — Pocitumãlo va kasi oku tungila ko Warwick

Olonalavayi vi kasi oku kapa olosoka via pangiwa kosapalalo C kuenda va yi yambela latelha utale kuenda onepa yimue okuti ovava ka a iñila. Konele yepĩli va kasi oku tunga onepa yikuavo yolusoka.

15 ya Mbalavipembe, wo 2014 — Oloseketa/Ovitumãlo Vioku Eca Ekuatiso

Olondingupange via fetiwa vi kasi oku kapa olongunji viutale konepa yombuelo yosapalalo. Ponepa yaco yosapalalo pa ka kala okusinya, ocitumãlo coku sukula uwalo kuenda oloseketa vikuavo.

15 ya Mbalavipembe, wo 2014 — Pocitumãlo va kasi oku tungila ko Warwick

Onalavayi yimue yeca olueyo konalavayi yikuavo yi kasi oku kapa alove ambata ovava a sĩla.

20 ya Mbalavipembe, wo 2014 — Pocitumãlo va kasi oku tungila ko Warwick

Oco ku limbukiwe ndomo atisolo a tungiwa kuenda ocivalo conata, kua tungiwa ocimano eci kuenje noke ci uyiwapo. Ca kuatisavo koku pindisa olomesele viokaliye. Elitalato eli li lekisa ocimano ci kasi oku nyõliwa noke yoku tẽlisa ocimãho caco.

31 ya Mbalavipembe, wo 2014 — Osapalalo C

Onepa yimue yolusoka ya yambeliwa yi kasi oku kapiwa lekuatiso liomakina yimue. Onele lonele yosapalalo yi ka kuata olokaida vitatu. Eci olosapalalo vi ka muiwila ocipãla, atelia a ka lekisa eposo liavio.

7 ya Kuvala, wo 2014 — Ocitumãlo Coku Semulula Akãlu/Loku Kapa Akãlu a Vana va Kasi ko Betele

Va kasi oku kapa etangi lioku kapa ulela mui iñila ci soka 95.000 kalitulu. Ulela waco u ka kuatisa koku tokotisa olomaquina.

12 ya Kuvala, wo 2014 — Osapalalo C

Onele yombuelo yosapalalo, lociva Sterling Forest pevindi lielitalatu. Oco olosapalalo vimolẽhe okuti via fina, ovimano viaco kosamua via pindaliwa lavala a litepa.

21 ya Kuvala, wo 2014 — Ocitumãlo Coku Semulula Akãlu/Loku Kapa Akãlu a Vana va Kasi ko Betele

Ohueli yimue yi kasi oku kapa alove ovava osimbu ka va pesilipo anata yosimendu.

28 ya Kuvala, wo 2014 — Oloseketa/Ovitumãlo Vioku Eca Ekuatiso

Va kasi oku upa ekokoto li kasi kilu lionjo.

1 Cembanima, wo 2014 — Ocitumãlo Coku Semulula Akãlu/Loku Kapa Akãlu a Vana va Kasi ko Betele

Ohueli yikuavo yi konomuisa ndomo alove a kapiwa.

10 Cembanima, wo 2014 — Ocitumãlo Coku Semulula Akãlu/Loku Kapa Akãlu a Vana va Kasi ko Betele

Upange woku fẽla, oku kapa olofoloma kuenda oku kapa onata yosimendu, wamamako oku lingiwa ndaño lekokoto lialua. Konele yepĩli yelitalatu, citava oku mola olonepa viosapalalo yoloseketa kuenda ovitumãlo vioku eca ekuatiso via sitikiwa lolopapelão. Kua kapiwa olopapelão viaco oco ci ecelele oku linga upange u sukila oku lingiwa kotembo yombambi ndeci, oku kapa olofoloma vioku tunga ovivembele kuenda oku kapa ovimalẽho vina okuti ondalu ka yi kuata.

12 Cembanima, wo 2014 — Osapalalo D

Olonalavayi vi kasi oku kapa ololona volonele osimbu ka va fetikile oku tunga ovimano.

15 Cembanima, wo 2014 — Pocitumãlo va kasi oku tungila ko Warwick

Elitalatu li lekisa onele yoku takelo. Olosapalalo violohondo vi molẽha konepa yonano yelitalatu. Osapalalo yinene yi kasi vokati kelitalatu, oloseketa kuenda ovitumãlo vioku eca ekuatiso. Ocilua caco ci kuete 100 kolohectare pole vopako lika 20 kolopursendu apa va tungila. Omo liaco, oviti vi kasi kolonele ka via tetiwile.

15 Cembanima, wo 2014 — Pocitumãlo va kasi oku tungila ko Warwick

Elitalatu li lekisa onepa yoku tundilo. Vonepa yimue yelitalatu citava oku mõla osapalalo C kuenda D. Kosapalalo C, olonalavayi via fetiwa vi kasi oku malusula oku kapa atelia lolonepa viutale.

25 Cembanima, wo 2014 — Osapalalo C

Kalupindelu umue o kasi oku kapa avaya posi vohondo yimue yi lekisa ndomo olohondo viosi vi ka kala. Vohondo lohondo omunu o pondola oku nõla ovina vi kapiwamo ndeci evala li kapiwa vocimano, otapete, ndomo posi pa kala kuenda ombasiya yoku sukuila alonga.

31 Cembanima, wo 2014 — Oloseketa/Ovitumãlo Vioku Eca Ekuatiso

Oco posi ka pa ka talame ovava, va sieleñapo locimbena.

31 Cembanima, wo 2014 — Osapalalo C

Mesele umue o kuete 77 kanyamo o kasi oku kapa olofio viofibra óptica. Toke eci upange woku tunga upua, ku ka kapiwa eci ci soka 32 kilometulu violofio viaco.