Skip to content

Olombangi Via Yehova

Select language Umbundu

Oku Kuatisa Omanu va Kasi Vokayike

Oku Kuatisa Omanu va Kasi Vokayike

Oloneke viosi omanu va kasi volokayike kofeka yo Estados Unidos, va siata oku tuma ovikanda vioku pinga ekuatiso, kombala Yolombangi Via Yehova oco va lilongise Embimbiliya.

Tu tambulula epingilo liaco poku tuma akundi va kasi kakongelo a sangiwa ocipepi oco va nyule kuenda oku longisa Embimbiliya komanu va kasi volokayike viaco.

Volokayike vimue vamanji va siata oku linga olohongele. Vokayike kamue ci soka 32 komanu va yevelela ohundo yimue yowiñi ya lingiwila povitumãlo vivali vokayike kaco.

Esokiyo liaco lia siata oku nena onima yiwa. Volupale luo Indiana ulume umue wa kapiwa vokayike aye wa laikele oku pondiwa omo lioku ponda, wa linga apongoloko kekalo liomuenyo waye, wa papatisiwa kuenje wa linga Ombangi ya Yehova.

Catiamẽla komunu ukuavo o kasi vokayike ko Kalifórnia Ombangi yimue ya Yehova yo longasaile Embimbiliya, ya popia hati: “Ame nda kũliha ndomo eye a kala osimbu handi ka lilongisile Embimbiliya kuenda nda mola apongoloko eye a linga. Eye wa linga apongoloko awa kuenje wa papatisiwa.

Omanu valua va kasi vokayike va tava oku lilongisa Embimbiliya ndaño va kũlĩha okuti va kasi oku kapa omuenyo wavo kohele. Vamue okuti va liwekapo oku kuata ukamba locimunga covingumba, va kapiwa vocitumãlo cikuavo oco va teyuile omuenyo wavo.

Unene Embimbiliya li kuete woku pongolola omuenyo womanu, wa siata oku komõhisa asongui vovokayike. Asongui vamue va eca ovicapa violopandu kuenda olombanjaile omo liupange Wolombangi Via Yehova woku lieca olumue.