Skip to content

Olombangi Via Yehova

Select language Umbundu

Oku Yikiwa Kuolofiliyale Vimue Vilombangi Via Yehova

Oku Yikiwa Kuolofiliyale Vimue Vilombangi Via Yehova

Kosãi Yenyenye linene yunyamo wo 2012 vamanji va songuila eci ci soka 20 kolofiliyale Violombangi Via Yehova, va tumiwa kolofiliyale vinene.

Handi vali kua tumbikiwa olofilale viokaliye kofeka yo Sérvia kuenda kofeka yo Macedônia. Kũlĩhisa asunga avali a koka apongoloko aco.

1. Ovoloño a leluisa upange.

Kanyamo a pita uloño woku tuma asapulo kuenda woku panga alivulu, wa koka okuti etendelo liomanu va sangiwa kolofiliyale vinene litepuluiwa. Oku tepuluiwa kuetendelo liaco ca ecelela okuti vana va talavayele kolobetele vitito va ilukila kolobetele vinene.

Cilo olobetele vina vi sangiwa povitumãlo vina okuti citava oku panga alivulu, oco a tumiwe kolofeka vialua, kuli etendelo linene Liolombangi Via Yehova va loñoloha va songuila upange woku kunda. Upange woku kunda kofeka yo Costa Rica, El Salvador, Guatemala, Honduras, Nicaragua, kuenda ko Panama u kasi oku songuiwa lofiliyale yoko México. Omo liaco olobetele vio kolofeka viaco epandu via yikiwa.

Ci soka akũi akũala Kolombangi Via Yehova via kala oku talavaya Kolobetele viaco via tumiwa ko Betele yoko México. Ci soka 95 va sala kolofeka viavo kuna va kasi oku talavaya ku pange wa kundi votembo yosi.

Olombangi Via Yehova kolofeka vio América Central via fetika oku talavaya voloseketa viupange woku pongoluila alivulu kalimi akuavo, vi kasi oku songuiwa lo Betele yo ko México. Kofeka yo Panama ci soka 20 ya vamanji va kasi oku pongoluila alivulu kalimi a vanguiwa vofeka yaco. Kofeka yo Guatemala ci soka 16 ya vamanji va kasi oku pongoluila alivulu kalimi a vanguiwa vofeka yaco. Kofeka yo América Central epongoloko liaco lia koka okuti ko Betele kua kala 300 komanu cilo kua sala lika 75 komanu.

2. Ca ecelela okuti omanu valua va litumbika kupange woku kunda

Omo liapongoloko aco, vamanji va loñoha va talavayele Kolobetele vitito cilo va li tumbika ku pange woku kunda.

Ombangi yimue ya Yehova ya talavaya ko Betele yimue ko África okuti wa tumiwa oco a li tumbike kupange woku kunda, wa soneha ndoco: Kolosãi viatete ka ca lelukile oku linga apongoloko kekalo liomuenyo wange. Pole oku li tumbika kupange woku kunda eteke leteke ca ndi nenela esanju kuenda asumũluho alua. Cilo ndi kasi oku longisa Ebimbiliya kueci ci soka 20 komanu kuenda vamue pokati kavo va siata oku endanda kolohongele.