Momo Lie Omanu ka va Sumbilile Vali Vakuavo?

SIKA

ESUNGA LIECI CI KUETELE ESILIVILO OKU SUMBILA VAKUETU

Oku lekisa esumbilo komanu vakuavo, ci kuatisa oku tulumũla ocitangi cimue kuenda oku yuvula okuti ci li vokiya.

Olusapo lumue Luembimbiliya lu popia hati: “Etambululo liwa li tulumũla onyeño, pole, ondaka ya kãla yi wengula onyeño.” (Olosapo 15:1) Olondaka kuenda ovilinga viekambo liesumbilo, vi sokisiwa ndoku kapa olohũi vondalu kuenje olonjanja vialua ci koka ovitangi.
Yesu wa popia hati: “Eci ci kasi vutima, oco omẽla u popia.” (Mateo 12:34) Oku vangula lekambo liesumbilo, ci situlula ocitangi cimue cinene catiamẽla konjila ndomo tu tenda omanu vakuekova lia litepa, ocikoti, ofeka ale epindiso lia litepa leli lietu.

Kekonomuiso limue lia lingiwa kueci ci soka 32.000 komanu vo kolofeka 28, ci soka 65 kolopulusendu viomanu va popia okuti ekambo liovituwa viwa kuenda oku lisumbila pokati, via siata calua koloneke vilo.

CECI O PONDOLA OKU LINGA

Kosikola ale kupange, lekisa esumbilo komanu vosi ndaño pamue vu kuete ovisimĩlo via litepa. Tiamisila utima kovina vutavi. Eci ci pondola oku ku kuatisa oku yuvula oku pisa vakuene.

“Liwekipo oku pisa, oco ka vu ka pisiwi.”—Mateo 7:1.

Tata omanu vakuavo ndeci o yongola oku tatiwa. Nda ove wa kapako omanu vakuavo loku lekisa okuti ukuesunga, citava okuti ovo va ka ku tatavo lonjila yaco.

“Ovina vu yongola okuti omanu vo vi lingili, haivio vu lingavo kokuavo.” —Luka 6:31.

Kala ukuakuecela. Kolela okuti omunu ka yonguile oku ku sumuisa kuenje yuvula oku kapako olondaka ale ovilinga vĩvi viomunu waco.

“Olondunge viomunu viu teyuila oco ka ka teme lonjanga, kuenda ca posoka kokuaye oku yuvula oku kapako ekandu.” —Olosapo 19:11.

OLOMBANGI VIA YEHOVA VIA SIATA OKU LEKISA NDATI ESUMBILO?

Olombangi Via Yehova via siata oku lekisa esumbilo komanu vakuavo posongo va kasi kuenda kovitumãlo viupange.

Tua siata oku longisa Embimbiliya ocali komanu vosi pole, ka tu va kisika oku tava alongiso etu. Tu longisa Embimbiliya ocali komanu vosi poku lombolola esapulo lietu “loku omboka kuenda lesumbilo liocili.” —1 Petulu 3:15; 2 Timoteo 2:24.

Tu yuvula oku lekisa esuvu kuenda tu sanjuka calua poku yolela omanu vo kolonepa viosi violuali veya kolohongele vietu, okuti va yongola oku lilongisa Embimbiliya. Tu likolisilako oku ‘sumbila omanu vosi.’ —1 Petulu 2:17, Embimbiliya li Kola.

Tua sumbila olombiali vio pocitumãlo tu kasi. (Va Roma 13:1) Tua siata oku pokola kovihandeleko kuenda oku feta elisimu. Ndaño okuti ka tu litengi vopulitika, etu tu sumbila omoko omanu va kuete yoku linõlela olonjila va kuama viatiamẽla kopulitika.

OMASULI!