Momo Lie Omanu ka va Sumbilile Vali Epata?
ESUNGA LIECI CI KUETELE ESILIVILO OKU SUMBILA EPATA
Oku lekisa esumbilo vepata ci koka okuti, olohueli kuenda omãla vavo, va li yeva okuti va kolapo.
-
Elivulu limue losapi Sete Princípios Para o Casamento Dar Certo li popia okuti nda ulume lukãi waye va lisumbila pokati, ovo va ci lekisa kovilinga okuti “ka va ci lingi lika lonjila yimue okuti vosi va ci limbuka pole ndaño muẽle kovina vitito via siata oku lingiwa eteke leteke.”
-
Akonomuiso a lekisa okuti, omãla vana va lilongisa oku sumbila omanu vakuavo va kuete esanju lialua, va kuete ukamba uwa lolonjali viavo kuenda ka va kuete ovitangi vialua viatiamẽla kowoño.
CECI O PONDOLA OKU LINGA
Linga esokiyo limue lepata liove. Catete, kuata elomboloko lieci ci lomboloka “esumbilo.” Cavali, soneha ovina omunu lomunu vepata a sukila oku linga kuenda ovina viosi vu sukila oku yuvula. Catatu, konomuisili kumosi esokiyo liaco oco vosi vepata va kũlĩhe ovina va sukila oku linga oco va lekise esumbilo.
Lekisa ongangu yiwa. Anga hẽ wa siata oku pisa ovina vĩvi vakuepata va siata oku linga? Eci va situlula ovisimĩlo viavo anga hẽ wa siata oku va yola? Kua siatele hẽ oku kapako ovisimĩlo viavo ale o va teta kondaka eci va vangula love?
Onumbi: Lekisa esumbilo kohueli yove kuenda komõlove, ndaño o sima okuti ovo ka va sesamẽla oku sumbiwa love.
Lekisa esumbilo ndaño ceci ku tava kocisimĩlo comunu ukuavo. Poku vangula yuvula oku popia olondaka ka via sungulukile ndeci “ove olonjanja viosi” ale “ove lalimue eteke.” Olondaka vioku pisa ndevi, vi pondola oku sumuisa vakuepata liove loku lingisa okuti ovitangi vi livokiya.
OLOMBANGI VIA YEHOVA VIA SIATA OKU LEKISA NDATI ESUMBILO?
Olombangi Via Yehova, via siata oku vetiya vosi vapata oku li tata lesumbilo omunu lukuavo. Olonjanja vialua tua siata oku vangula catiamẽla kovina viaco vovipama tua siata oku sandeka, valivulu, volorevista kuenda volovideo vietu. Ovina viaco viocali.
KOLOHUELI: Ovipama losapi Ekuatiso Kepata vi pondola oku kuatisa alume lakãi va kuele . . .
-
oku kala vakuakuyevelela lutate
-
oku yula ocitangi coku ũha
-
oku liwekapo oku lihoyisa
(Sandiliya ponepa “Ekuatiso Kepata” vo jw.org)
KOLONJALI: Ovipama losapi Ekuatiso Kepata vi pondola oku kuatisa olonjali oku pindisa omãla vavo . . .
-
oku pokola
-
oku kuatisa kovopange ovonjo
-
oku popia hati “linga ohenda” kuenda “nda pandula”
(Sandiliya ponepa “Oku Tekula Omãla” kuenda “Oku Tekula Amalẽhe” vo jw.org)
Talavo vonepa apêndice “os pais perguntam” yelivulu Os Jovens Perguntam —Respostas Práticas, Volume 1. (Sandiliya ponepa “Os pais perguntam” vo jw.org)
KAMALẼHE: Vonepa Amalẽhe vo jw.org, mu sangiwa ovipama, olovideo kuenda atondongolo a pondola oku kuatisa amalẽhe . . .
-
oku kala akamba volonjali viavo kuenda via vamanjavo
-
oku lekisa esumbilo poku sapela lolonjali catiamẽla kovihandeleko viavo
-
oku koleliwa lolonjali viavo
(Sandiliya ponepa “Amalẽhe” vo jw.org)
Oku iñila vonumbi jw.org ocali. Ku sukila oku li sonehisa, oku yulula okonda yimue ale oku feta poku iñilamo. Ku sukilavo oku eca olonumbi viatiamẽla kokuove.
