Yovi 12:1-25
12 Kuenje Yovi wa tambulula hati:
2 “Ocili, ene vumanu vamue va kũlĩha cosi,Kuenda eci vu fa, olondunge vi fila kumue lene!
3 Pole, ame ñuetevo elomboloko.*
Ame si sule okuti ene wa velipo.
Helie ka kũlĩhĩle ovina evi?
4 Ame nda linga ocikuata coku yoliwa epembe kakamba vange,+Omunu o vilikiya Suku oco a sande etambululo limue.+
Omunu ukuesunga haeye wa pua eko, wa linga ocikuata coku yoliwa epembe.
5 Omunu ka sakalalele, o sepula ohali,O sima okuti yiya lika komunu o kuete omãhi ya siẽluha.
6 Volombalaka viovimunu muli ombembua,+Kuenda vana va sanumũla Suku va kolapo,+Vana va kuete Suku yavo povaka.
7 Mange ohenda, pulisa ovinyama kuenda ovio vi ka ku pindisa;Pulisavo olonjila viovailu kuenje vi ku sapuilako.
8 Luluvala oviluvo vio kilu lieve* kuenda vi ku pindisa;Kuenda olõsi vio vokalunga vi ku ci sapuila.
9 Helie pokati kavio ka kũlĩhĩle okuti,Eka lia Yehova olio lia ci panga?
10 Peka liaye pali omuenyo woviluvo viosi vi kasi lomuenyoKuenda espiritu* liomanu vosi.*+
11 Etũi hẽ ka li seteka olondakaNdeci elimi* li mãha okulia?+
12 Olondunge siti vi sangiwa pokati kakulu,+Kuenda omuenyo wa longa ka u nena hẽ elomboloko?
13 Kokuaye ku kasi olondunge kuenda unene;+Elungulo kuenda elomboloko via tiamẽla kokuaye.+
14 Eci eye a nyanyuĩla cimue posi, ka ci tumbuluiwa vali;+Nda eye wa yika cimue, lomue o ci yikula.
15 Eci eye ovika ovava, ovina viosi vi kukuta;+Eci eye a tumisa ovava aco, a yukisa ilu lieve.+
16 Kokuaye kuli ongusu kuenda olondunge;+Kokuaye ku kasi una wa yapuka kuenda una o yapuisa vakuavo;
17 Eye o kokisa olondunguli oku enda okuti, ka vi wala olohaku,*Kuenda olonganji o vi lingisa aveke.+
18 Eye o kutulula alienge a kapiwa lolosoma,+Kuenda o kuta uvia volombunda viavo.
19 Eye o kokisa ovitunda oku enda okuti, ka vi wala olohaku,+Kuenda o kundula vana okuti kunene va kolapo ngõ;+
20 Eye upa komangu olondunguli vina via koleliwa,Kuenda upa olondunge vialume va kuka;*
21 Eye o pesela esepu kolombuale,+Kuenda o kokisa okuti, vana vakuonene va hongua;
22 Eye o situlula ovina via longa viowelema,+Kuenda o nena owelema walua vocinyi;
23 Eye o lingisa olofeka oku kuata unene oco a vi kundule;O kokisa olofeka oku livokiya oco a vi tuale kumandekua.
24 Eye upa elomboloko* kasongui vomanu,Kuenda o va kokela oku tungayala vekalasoko ka muli onjila.+
25 Ovo va enda loku papayata vowelema+ muna ka muli ocinyi;Eye o va kokela oku ñuala ñuala ndomunu oholua.+
Atosi Pombuelo
^ Lit., “utima.”
^ Ale pamue “Vangula lilu lieve.”
^ Ale “efuimo.”
^ Lit., “ositu yosi yomanu.”
^ Lit., “upepo.”
^ Ale “va tatekiwa kovina viosi va kuete.”
^ Ale “akulu.”
^ Lit., “utima.”
