Yehosua 20:1-9
-
Alupale ocitililo (1-9)
20 Noke Yehova wa sapuila Yehosua hati:
2 “Sapuila va Isareli hati: ‘Linõleli ene muẽle alupale ocitililo+ ana ame nda sapuila kokuene pocakati ca Mose,
3 oco okuti omondi yina yi ponda omunu umue okuti ka ci lingile ocipango, ale ka ci yonguile,* o sukila oku tililamo. Alupale aco a ka linga ndocitililo cimue kokuene omo liukuakufetuluinya osonde.+
4 Eye o sukila oku tilila volupale lumue pokati kalupale aco+ kuenda o sukila oku talama puvelo wombundi wolupale+ loku lombolola ocitangi caye kakulu o volupale luaco. Noke ovo va sukila oku u tambula volupale loku eca kokuaye ocitumãlo cimue kuenje eye o kala kumue lavo.
5 Nda ukuakufetuluinya osonde wo landula, ovo ka citava okuti va eca omondi peka liaye, momo eye ka yonguile* oku ponda una a lisungue laye kuenda eye ko suvukile kosimbu.+
6 Eye o sukila oku kala volupale luaco toke eci a talama kovaso yowiñi,+ oco a sombisiwe kuenda o kalamo toke koku fa kuocitunda cinene+ ci kasi oku talavaya koloneke viaco. Kuenje omondi yi sukila oku tiukila kolupale kuna eye a tunda loku iñila volupale luaye kuenda vonjo yaye.’”+
7 Omo liaco, ovo va tumbika* o Kedesi+ ko Galilea kovaimbo a kasi kolomunda vio Nafitali, ko Sekeme+ kovaimbo a kasi kolomunda vio Efarimi kuenda ko Kiriyata-Ariva okuti,+ o Hevirone kovaimbo a kasi kolomunda vio Yuda.
8 Vofeka yo Yordão, kutundilo wo Yeriko, ovo va nõla o Becere+ vekalasoko ketapi yocikoti ca Ruvene, o Ramote+ ko Gileada yocikoti ca Gadi kuenda o Golane+ ko Basiane yocikoti ca Manase.+
9 A-a o-o a linga alupale a nõliwila va Isareli vosi lovingendeleyi vina via kala pokati kavo oco okuti, omunu wosi una o ponda umue okuti ka ci lingile ocipango wa ponduile oku tililamo+ kuenje ka pondiwa lukuakufetuluinya osonde osimbu ka talamẽle kovaso yowiñi oco a sombisiwe.+
