Ku Tiago 4:1-17
4 Yipi ono yovoyaki kuenda yovama pokati kene? Ka vi tundi hẽ koloñeyi viene vietimba vi liyaka vokati kene?*+
2 Vu yongola pole, ka vu tambula. Vu amamako oku ponda loku livela,* pole, ka vu kuata. Vu amamako lema kuenda luyaki.+ Omo okuti ka vu pingi, ka vu tambula.
3 Eci vu pinga, ka vu tambula, momo vu kasi oku pinga locimãho ka ca sungulukile, vu ci pingila ño oloñeyi viene vietimba.
4 A vakahokolo,* ka wa kũlĩhĩli okuti ukamba loluali ukuse la Suku? Omo liaco, wosi o yongola oku kala ekamba lioluali, o li lingisa unyãli wa Suku.+
5 Ale vu sima okuti ovisonehua vi popia esanda eci vi popia viti: “Onjongole yi kasi vokati ketu, yamamako oku livela lonya”?+
6 Pole, ohenda ya piãla Eye a eca, ya velapo. Ovisonehua vi popia viti: “Suku o tamalãla la vakuakulipanda,+ puãi eca ohenda ya piãla kambombe.”+
7 Omo liaco, pokoli ku Suku;+ puãi tamalãli Leliapu+ kuenje olio liu tili.+
8 Ameli ku Suku kuenje eye amela kokuene.+ Yelisi ovaka ene a vakuakandu,+ ovitima viene+ vi pue evĩho, ene a vakuatatahãi.*
9 Sumui, lisiõsiõli kuenda lili.+ Ovinjola viene vi pongoloke oku lila kuenda esanju liene li pongoloke esumuo.
10 Liketisi kovaso a Yehova*+ kuenje eye o vu kapi kunene.+
11 A vamanji, liwekipo oku li popia lãvi omunu lukuavo.+ Wosi o popia lãvi manji umue, ale o sombisa manjaye, o popia lãvi ocihandeleko kuenda o sombisa ocihandeleko. Nda ove o sombisa ocihandeleko, ku lingi ukuakutẽlisa ocihandeleko, puãi o linga onganji.
12 Kuli umosi lika Usovoli wovihandeleko haeye Onganji,+ una o tẽla oku popela loku nyõla.+ Puãi ove helie okuti o sombisa ukuene?+
13 Kaliye yeveleli, ene vu popia hati: “Etaili ale hẽla, tu linga ungende woku enda volupale luongandi kuenje tu ka kalako unyamo kuenda tu ka linga olomĩlu loku li muisa onganyu,”+
14 osimbu okuti, ka wa kũlĩhĩli ndomo omuenyo wene u ka kala hẽla.+ Momo ene vumbundu yi molẽha okatembo kamue noke yi takata.+
15 Puãi hĩse nda wa popeli hati: “Nda Yehova* wa panga,+ tu ka kala lomuenyo kuenda tu ka linga eci loco.”
16 Pole, cilo vu lipanda voku litunula kuene. Oku litunula kuaco kuosi kũvi.
17 Omo liaco, wosi wa kũlĩha oku linga eci ca sunguluka, pole, handi ka ci lingi, ekandu kokuaye.+
Atosi Pombuelo
^ Lit., “vovimatamata viene.”
^ Ale “loku kala vakuacipululu.”
^ Ale “Ene wa kambi ekolelo.”
^ Ale “vakuavitima vivali.”
^ Tala Alombo. A5.
^ Tala Alombo. A5.
