Olosapo 29:1-27
29 Omunu una amamako oku tĩlisa utima waye noke liepindiso lialua,+O ka nyõliwa ocipikipiki okuti, ka ku kala esaku.+
2 Eci vakuesunga va livokiya, omanu va sanjuka,Pole, eci ondingaĩvi yi viala, omanu va liyeya.+
3 Omunu o sole olondunge o sanjuisa isiaye,+Pole, omunu endaenda lovipuepue o sandola ukuasi waye.+
4 Lesunga osoma yi pamisa ofeka yaye,+Pole, una o sanda ovitukiko o nyõla ofeka yaye.
5 Wosi eca epandiyo liesanda komunu a lisungue layeO kapela onjanjo omãhi yomunu waco.+
6 Ekandu liondingaĩvi liu kokela onjanjo,+Pole, ukuesunga o;kaluka lesanju kuenda onjolela.+
7 Ukuesunga o lisakalaisa lesunga liolohukũi,+Pole, ondingaĩvi ka yi kuete esakalalo liaco.+
8 Alume vakuakulipanda va timĩha olupale,+Pole, vakualondunge va tulumũla onyeño.+
9 Eci ukualondunge a lihoya leveke,Eveke ka li likandangiya konyeño kuenda li pembula, pole, lacimue ci potoluiwa.+
10 Olomondi vi suvuka omunu ka kuete eko,*+Kuenda vi sanda oku ponda ukuesunga.*
11 Eveke li lekisa onyeño yaye yosi,+Pole, ukualondunge amamako oku likandangiya.+
12 Eci ombiali yimue yi fetika oku yevelela ovohembi,Apika vaye vosi va linga olondingaĩvi.+
13 Ohukũi kuenda ukuakutalisa ohali vamuamue:*
Yehova eye eca ocinyi vovaso avo.*
14 Eci osoma yimue yi sombisa ohukũi okuti ka yi lekisa ocame,+Ocalo caye ci ka kolapo otembo yosi.+
15 Ombueti* kuenda epindiso vi eca olondunge,+Pole, omõla eceliwa oku linga cosi, o kutisa osõi inaye.
16 Eci olondingaĩvi vi livokiya, ũvi u livokiyavo,Pole, vakuesunga va ka mola oku kunduiwa kuavo.+
17 Pindisa omõlove kuenje eye o ka ku kavuluisa;Kuenda o ka ku nenela esanju lialua.+
18 Apa ka pali ocinjonde* omanu va kala vombuanja,+Pole, vana va kapako ocihandeleko va sumũlũha.+
19 Upika ka ka ecelela oku lunguiwa lolondaka,Momo ndaño co lomboloka, ka pokola.+
20 Wa muile ale omunu umue o yayulako oku vangula?+
Kuli vali elavoko keveke okuti, kokuaye ci sule.+
21 Nda upika umue o leliwa calua tunde vutila,Eye noke o ka kala ukualutukãi.
22 Omunu o tema lonjanga o koka ema;+Wosi o kuata onyeño lonjanga o linga akandu alua.+
23 Epela liomunu liu kutisa osõi,+Pole, wosi wonjuka, o ka kuata ulamba.+
24 Wosi okuti ekamba liocimunu, o li nyãle eye muẽle.
Eye o yeva ekovongo lioku imba uvangi,* pole, ka vangula lacimue.+
25 Oku lulumĩla* omunu, oco* onjanjo,+Pole, omunu wa kolela Yehova o ka teyuiwa.+
26 Valua va sanda oku lisanga* lombiali oco yi va kuatise,Pole, esunga li tunda ku Yehova.+
27 Omunu wosi okuti hukuesungako, o suvukiwa la vakuesunga,+Pole, wosi okuti onjila yaye ya suñama o suvukiwa londingaĩvi.+
Atosi Pombuelo
^ Ale “wa pua etondelo.”
^ Ale pamue, “Pole, ukuesunga o sanda oku teyuila omuenyo waye.”
^ Lit., “va lisanga.”
^ Okuti, Eye eca omuenyo kokuavo.
^ Ale “elungulo; eyambulo.”
^ Ale “esituluilo.”
^ Ale “ohuminyo yimue mua kongela esiñalo.”
^ Ale “Oku kuatela usumba.”
^ Ale “ci koka.”
^ Ale pamue “va sanda ohenda yo.” Lit., “va sanda ocipala co.”
