Olosapo 12:1-28
12 Una o sole epindiso o sole ukũlĩhĩso,+Pole, una o nyãle elungulo ka sokolola.*+
2 Omunu uwa o taviwa la Yehova,Pole, Eye o pisa omunu ukuakulinga esokiyo lĩvi.+
3 Omunu ka tẽla oku kolapo poku linga ungangala,+Pole, vakuesunga va ka kala nduti umue okuti ka u pondola oku tukũiwa.
4 Ukãi o kuete ovituwa viwa, ekolowa limue kulume waye,+Pole, ukãi ukuakulinga akutisasõi, o kasi nduveyi u volisa akepa wulume waye.+
5 Ovisimĩlo via vakuesunga via sunguluka,Pole, olonumbi violondingaĩvi viesanda.
6 Olondaka violondingaĩvi vi kasi ndunyãli umue o lavekela oco a pesele osonde,+Pole, omẽla wa vakuesunga u va popela.+
7 Eci olondingaĩvi vi nyõliwa, ovio ka vi kalako vali,Pole, onjo ya vakuesunga yi kamamako.+
8 Omunu o pandiyiwa omo liolondunge viomẽla waye,+Pole, una o kuete utima ũvi, o ka tatiwa lesepu.+
9 Oku kala omunu waño, pole, o kuete upika umue, ca velapo,Oku li sivaya, pole, ku kuete lacimue coku lia,* ci sule.+
10 Ukuesunga o tata ovinyama viaye viovimbo,+Pole, ohenda yondingaĩvi yĩvi.
11 Wosi o lima osi yaye o ka kuata okulia kualua,+Pole, wosi o sanda ovina ka vi kuete esilivilo eveke.*
12 Ondingaĩvi yi kuatela onya ovina alume vakuavo olondingaĩvi va kuata,Pole, olombombo via vakuesunga vima apako.
13 Omunu ondingaĩvi o yonjiwa lolondaka viaye muẽle viekandu,+Pole, ukuesunga o puluka kohali.
14 Ulume kepako liolondaka* viaye, o li sanjuisa leci ciwa,+Kuenda upange wovaka aye u ko wĩha onima.
15 Onjila yeveke ya sunguluka kovaso aye muẽle,+Pole, ukualondunge o tava kelungulo.+
16 Eveke li lekisa onyeño yaye vepuluvi liaco,*+Pole, ukualondunge ka kapiko* epenyo.
17 Ombangi ya koleliwa yi vangula ocili,*Pole, ombangi yesanda yi vangula uhembi.
18 Olondaka ka via sokoluiwile vi kasi ndoku toma kuosipata,Pole, elimi liukualondunge li sakula.+
19 Omẽla u vangula ocili, u ka kala otembo ka yi pui,+Pole, elimi liesanda li ka kala ño otembo yimue.+
20 Elimbi li kasi vutima wa vana va sokiya oku linga eci cĩvi,Pole, vana va sanda* ombembua, va kuete esanju.+
21 Lacimue cĩvi ci ka veta ukuesunga,+Pole, olondingaĩvi vi ka tala ohali yalua.+
22 Yehova o nyãle omẽla wesanda,+Pole, vana okuti vakuacili vo sanjuisa.
23 Ukualondunge o soleka ovina a kũlĩha,Pole, utima waveke u sandeka olondaka viuveke.+
24 Eka lia vakuambili li ka viala,+Pole, omunu ukuawesi o ka linga upange wa tĩla.+
25 Asakalalo a honguisa utima womunu,*+Pole, ondaka yiwa yi petula utima.+
26 Ukuesunga o sandiliya ovisenge via velapo,Pole, onjila yolondingaĩvi yi va yapuisa.
27 Ukuawesi ka endi koku yeva,+Pole, ombili, oyo ukuasi wa velapo komunu.
28 Onjila yesunga yi tuala komuenyo;+Vonjila yaco, ka muli oku fa.
Atosi Pombuelo
^ Ale “ka kuete olondunge.”
^ Lit., “ombolo.”
^ Lit., “ka kuete utima.”
^ Lit., “liomẽla.”
^ Ale “veteke liaco.”
^ Lit., “o tuvika.”
^ Lit., “eci cesunga.”
^ Lit., “vana okuti olondunguli.”
^ Ale “a sumuisa.”
