Atendelo 23:1-30
23 Baliame wa sapuila Balaka hati: “Tungila pocitumãlo cilo ovotala epanduvali+ kuenda ndi pongiyile olongombe epanduvali, lovitupi violomeme epanduvali.”
2 Balaka wa linga lonjanga ndomo Baliame o sapuila. Kuenje Balaka la Baliame kutala lutala va lumbilako ongombe yimosi locitupi comeme.+
3 Baliame wa sapuila Balaka hati: “Kala palo ocipepi locilumba cove coku pia elisi osimbu ngenda. Pamue Yehova o ka molẽha kokuange. Kuenje cosi eye a ka ndi sapuila, ndu ku ci sapuilavo.” Noke wa enda konumbuko yomunda.
4 Suku wa li molẽhisa ku Baliame+ kuenje Baliame wa sapuila Suku hati: “Nda tunga ovotala epanduvali kuenda kutala lutala nda lumbilako ongombe yimosi locitupi cimosi comeme.”
5 Yehova wa kapa ondaka yaye vomẽla wa Baliame+ hati: “Tiukila ku Balaka kuenje eci oco o popia.”
6 Eye wa tiukila kuenda wa mola okuti, Balaka lolombuale viosi via Moavi va talama ocipepi locilumba caye coku pia elisi.
7 Kuenje eye wa ta olusapo olu hati:+
“Balaka soma yo ko Moavi wa njupa ko Arama,+Tunde kolomunda vio kutundilo hati:
‘Enju oco o ndi siñalele Yakoba.
Enju, oco o pise Isareli.’+
8 Ndi siñala ndati omanu vana okuti Suku ka va siñalele?
Ndi pisa ndati omanu vana okuti Yehova ka va pisile?+
9 Nda va mola oku upisa konumbuko yolomunda,Nda va mola oku upisa koviwulu.
Omanu vamue va tunga lika liavo;+Ka va likongela lolofeka vikuavo.+
10 Helie o tẽla oku tenda owiñi wa Yakoba+ wa soka ndoneketela?
Pamue oku tenda onepa yakuãla ya Isareli?
Ndi fe ndeci vakuesunga va fa,Kuenda esulilo liange li lisoke ndeli liavo.”
11 Kuenje Balaka wa sapuila Baliame hati: “Eci wa ndingila ndeti nye? Ame nda ku nena oco o siñale ovanyãli vange, kua ci lingile, pole, wa va sumũlũisa.”+
12 Eye wa tambulula hati: “Anga hẽ si pondola oku popia ovina viosi Yehova a ndi sapuila?”+
13 Balaka wo sapuila hati: “Mange ohenda, enju lame pocitumãlo cikuavo oco o va mole ciwa. O ka mola lika vamue pokati kavo; ku va moli vosi. Va ndi siñalele oku upisa oko.”+
14 Kuenje wa enda laye toke kusenge wo Sofimi kilu lio Pisiga,+ yu wa tunga ovotala epanduvali kuenda kutala lutala wa lumbilako ongombe yimosi locitupi comeme.+
15 Baliame wa sapuila Balaka hati: “Kala palo ocipepi locilumba cove coku pia elisi osimbu ngenda oku ka sapela Laye.”
16 Kuenje Yehova wa vangula la Baliame, yu wa kapa ondaka yaye vomẽla waye hati:+ “Tiukila ku Balaka kuenje eci oco o ka popia.”
17 Eye wa enda kokuaye kuenda wa mola okuti eye wa kala oku kevelela ocipepi locilumba caye coku pia elisi kuenda olombuale via Moavi via kala laye. Balaka wo pula hati: “Yehova nye a popia?”
18 Eye wa ta olusapo olu hati:+
“A Balaka, votoka kuenda yevelela.
Njevelele, Amõla a Sipore.
19 Suku hamunuko okuti o kemba,+Hamõla womunuko okuti o pongolola ovisimĩlo viaye.*+
Eci a vangula ocina cimue, ka ci lingi hẽ?
Eci a popia, anga hẽ ka ci tẽlisa?+
20 Tala! Nda neniwa kulo oco ndi sumũlũise;Cilo Eye wa sumũlũisa+ kuenda si pondola oku ci pongolola.+
21 Eye ka ecelela okuti umbanda umue u wila Yakoba,Kuenda ka ecelela okuti ohali yimue yiya ku va Isareli.
Yehova Suku yavo o kasi lavo,+Eye vo sambiliya ndosoma pokati kavo.
22 Suku wa vopa Kegito.+
Eye wa soka ndolombinga viongombe yovusenge kokuavo.+
23 Lomue imbila Yakoba esiñalo,+Laumue umbanda u katukila Isareli.+
Kaliye ci popiwa catiamẽla ku Yakoba kuenda ku va Isareli ceci:
‘Tali eci Suku a linga!’
24 Omanu ava ovo va ka votoka ndohosi,Va ka votoka muẽle ndohosi.+
Ka yi ka pekela, osimbu ka ya lile ocinyama ca kuatiwaLoku nyua osonde yava va pondiwa.”
25 Balaka wa sapuila Baliame hati: “Nda ku pondola oku va siñala, ku pondolavo oku va sumũlũisa.”
26 Baliame wa tambulula Balaka hati: “Siti nda ku sapuilile okuti, ‘ndi linga cosi Yehova a popia’?”+
27 Balaka wa sapuila Baliame hati: “Enju, mange ohenda, tuende handi kocitumãlo cikuavo. Pamue ci sunguluka kovaso a Suku yocili okuti, oko o va siñalela.”+
28 Kuenje Balaka wambata Baliame toke kilu lio Peore, imbo lia imba ovaso ko Yesimone.*+
29 Baliame wa sapuila Balaka hati: “Tunga ovotala epanduvali kuenda ndi pongiyile olongombe epanduvali lovitupi violomeme epanduvali.”+
30 Kuenje Balaka wa linga ndomo Baliame o sapuila kuenda kutala lutala wa lumbilako ongombe yimosi locitupi cimosi comeme.
