Skip to content

Olombangi Via Yehova

Select language Umbundu

AMÃLEHE VA PULA

Ovina Via Lulikiwa Ale Via Tukuluka ño?—Onepa 3: Momo Lie Ndi Tavela Okuti Ovina Via Lulikiwa?

Ovina Via Lulikiwa Ale Via Tukuluka ño?—Onepa 3: Momo Lie Ndi Tavela Okuti Ovina Via Lulikiwa?

“Nda ove o tava okuti ovina via lulikiwa, omanu va ku tenda ndomunu umue ka kuete olondunge, okuti kua silepo ovina olonjali viove via ku longisa eci wa kala omõla ale etavo limue lia pongolola ovisimĩlo viove.”—Jeanette

Ove hẽ, o kuetevo ovisimĩlo vimuamue ndevi via Jeanette? Citava okuti o fetika oku kuata atatahãi atiamẽla koku lulikiwa kuovina. Ocili okuti ka kuli laumue o yongola oku tendiwa ndomunu umue ka kuete olondunge. Nye ci pondola oku ku kuatisa?

 Ovina omanu va popia catiamẽla komunu o tava okuti ovina via lulikiwa.

1. Nda o tava okuti ovina via lulikiwa, omanu va ka sima okuti kua kapeleko ovina olonoño vi longisa.

Ulongisi wange kosikola wa popia okuti omanu va tava okuti ovina via lulikiwa, momo va kuete owesi oku sanga elomboluilo liatiamẽla ndomo oluali lu kasi.”—Maria

Ceci o sukila oku kũlĩha: Omunu o popia ovina evi, ka kũlĩhile ndomo ovina viosi vi kasi. Olonoño via kemãla ndeci Galileo kuenda Isaac Newton, va tavele okuti kuli Ululiki umue, pole, eci ka ca va tatekele oku sola uloño. Olonoño vimue koloneke vilo, vi tava okuti kuli ululiki, pole ka ci va tateka oku tava kolonoño.

Seteka ndoco: Tapa o Ociseleko CALIVULU VO INTERNET vonepa yokuti ulala woku sandiliya, soneha ondaka yokuti “Fala de sua fe.” Sandiliya ovolandu olonoño vi tava okuti ovina via lulikiwa. Limbuka ovina via va kuatisa oku tava kovina viaco.

Oku malusula: Oku tava okuti ovina via lulikiwa, ka ci ku tateka oku tava kolonoño. Pole, osimbu o lilongisa ovina viatiamẽla kolonoño, ekolelo liove kovina via lulikiwa li livokiya. —Va Roma 1:20.

2. Nda wa tava kovina Embimbiliya li popia catiamẽla kovina vialulikiwa, omanu va ka sima okuti o sole calua etavo.

“Omanu valua va sima okuti oku tava kelongiso liokuti ovina via lulikiwa, uveke. Va popia okuti ulandu u sangiwa kelivulu Liefetikilo hawociliko.”—Jasmine

Ceci o sukila oku kũlĩha: Omanu valua va kuete ovisimĩlo ka via sungulukile kueci Embimbiliya li popia catiamẽla kovina via lulikiwa. Olonoño vimue vi popia okuti ongongo ya lulikiwa vokuenda kuoloneke epandu. Embimbiliya ka li longisa ovina viaco.

  • Elivulu Liefetikilo li popia hati: “Poku fetika Suku wa sovola ilu losi.” Eci ka ci patãla lovina olonoño vi longisa okuti ongongo lia lukiwa osimbu.

  • Ondaka “eteke” lia tukuiwa kelivulu Liefetikilo, yi lomboloka otembo yalua. Kelivulu Liefetikilo 2:4 ondaka “eteke” yi lomboloka oloneke epandu vioku lulika ovina.

Oku malusula: Elongiso liokuti ovina via lulikiwa, yi li kuata lovina olonoño vi longisa.

 Sokolola kovina o tava

Oku tava kelongiso liokuti ovina via lulikiwa, ka ci lomboloka okuti “uveke.” Pole, wa kũlĩha esunga lieci o tavela kovina viaco. Sokolola ndoco:

Wa kũlĩha okuti pali ocina cimue ci kasi oku tungiwa, palivo umue o kasi oku ci tunga. Eci o mola omakina yimue, ombalão yimue ale onjo yimue, wa kũlĩha okuti kuli omunu umue wa yi tunga. Momo lie nda ca litepa lovaso omunu umue, onjila yimue yi pãlãla ale Ongongo tu kasi?

Ovina o sukila oku sokolola: Eci olonoño vi yongola oku mioñolola ovina va linga, va setukula ovina via lulikiwa. Ovo va yongola okuti omanu va eca esivayo kovina va linga. Anga hẽ, ci kuete esilivilo oku eca esivayo kovina omanu va linga okuti Kululiki wetu wa velapo ci sule?

Ci kuete hẽ esilivilo oku tava okuti ombalão yimue ya pangiwa, pole onjila yimue sio?

 Ovimãleho vi ku kuatisa oku kũlĩhisa ovovangi

O pondola oku pamisa ekolelo liove kovina via lulikiwa, poku lilongisa ovovangi ovina viosi vi sangiwa voluali.

Seteka ndoco: Tapa o Ociseleko CALIVULU VO INTERNET vonepa yokuti ulala woku sandiliya, soneha ondaka yokuti “Teve um projeto?” Pokati kovipama via sandekiwa vonepa yokuti “Teve um projeto?” u sangiwa vo Despertai! nõlapo ovipama via ku vetiya vali. Limbuka etosi liavelapo liatiamẽla kovina via lulikiwa o kasi oku kũlĩhisa vocipama locipama. Ovina viaco, vi ku kuatisa ndati oku tava okuti kuli Ululiki umue?

Lilongisa ovina vikuavo: Kũlĩhisa olombrochura vi kuaimo, oco o kũlĩhe ovovangi akuavo viovina via lulikiwa.

  • A Vida—Teve um Criador?

    • Ongongo ya pangiwa ciwa kuenda muli ovina vialua vi kuatisa komuenyo.—Tala kamẽla 4-10.

    • Ovina via lulikiwa vi eca uvangi wululiki umue. —Tala kamẽla 11-17

    • Ulandu u sangiwa kelivulu Liefetikilo, ka u lipatãla lovina olonoño via siata oku longisa.—Tala kamẽla 24-28

  • A Origem da Vida—Cinco Perguntas Que Merecem Resposta

    • Omenyo ka wa tundile kocina cimue ka ci kuete omuenyo.—Tala kamẽla 4-7.

    • Ka ci tava oku sokolola okuti ovina vi kuete omuenyo via tukuluka ño.—Tala kamẽla 8-12.

    • Onjila ndomo etimba lietu lia sokiyiwa lia velapo okuti ovina vi kasi oku pangiwa ndopo lovoloño ci sule.—Tala kamẽla 13-21

    • Ovina viosi via lulikiwa, ka via tukulukile ño. Ovina viosi via lembuluiwa toke cilo, vi eca uvangi wokuti ovinyama via lulikiwa vonjanja yimuamue okuti ka via tukulukile ño.—Tala kamẽla 22-29

“Ocina ci mbetiya oku tava okuti kuli Suku ovina via lulikiwa, ndeci ovinyama vi sangiwa vongongo, oluali kuenda onjila ndomo ovina vi kasimo via sokiyiwa.”—Thomas