Skip to content

Olombangi Via Yehova

Select language Umbundu

Nye Ndi Linga Nda Okuti si Sole Oku Lilongisa Kosikola?

Nye Ndi Linga Nda Okuti si Sole Oku Lilongisa Kosikola?

Ceci o sukila

Oku kuata ovisimĩlo via sunguluka viatiamẽla koku lilongisa. Seteka oku limbuka onima yililako. Citava okuti ovina viosi wa lilongisa ci mõleha ndu okuti vi kuete esilivilo cilo. Pole, oku kũlĩha ovina vialua ci ku kuatisa oku kuata elomboloko liovina via ku ñuala. Oku ci linga ci ku kuatisa oku “linga lomanu vosi ndukuavina viosi,” okuti o ka tẽla oku sapela lomanu vakuavisoko vialitepa. (1 Va Korindo 9:22) O ka vokiya ukũlĩhiso wove, okuti ci ka ku kuatisa kovaso yoloneke.

Oku kuata onima yiwa kosikola ci sokisiwa loku penda onjila vusenge umue wa lipulika—ovina viaco vi tẽliwa nda wa talavaya lovimãleho vi sesamẽla

Kuata ocisimĩlo ca sunguluka catiamẽla kulongisi wove. Nda o sima okuti ulongisi wove ka sungulukile, tiamisila utima kovina o lilongisa okuti kokuaye hakoko. Ivaluka okuti ulongisi wove wa longisa ale ovina viaco komanu valua kuenda olonjanja vialua kovisoko vikuavo. Omo liaco, citava okuti ka ca lelukile kokuaye oku lekisa ombili a kuatele eci a fetika oku longisa.

Onumbi: Soneha kuenda eci o kuata etatahãi linga apulilo lesumbilo kuenda lekisa ombili kovina o li longisa. Oku lekisa ombili ci sambuka.

Kuata ocisimĩlo ca sunguluka catiamẽla kuloño wove. Osikola yi pondola oku situlula ovoloño kua kũlĩhile. Paulu wa sonehẽla Timoteo hati: “Kuata ombili poku talavaya longavelo ya Suku.” (2 Timoteo 1:6) Citava okuti, Timoteo wa tambuile ongavelo yimue yespiritu sandu. Pole, “ongavelo” yaco ya sukilile oku yi vokiya oco ka yi ka nyõlehe. Ocili okuti, ongavelo yove yo kosikola Suku ka ku yi ĩhile locikomo. Ndaño oco, ovoloño ove a likasi. Osikola yi pondola oku ku kuatisa oku limbuka kuenda oku mioñolola ovoloño kua simĩle okuti o a kuete.