Skip to content

Olombangi Via Yehova

Select language Umbundu

AMÃLEHE VA PULA

Nda Lipongiya hẽ Okuti Citava Oku Kuela?

Nda Lipongiya hẽ Okuti Citava Oku Kuela?

Osimbu handi kua tambuluile epulilo eli, o sukila oku likũlĩha ciwa. Kũlĩhĩsa atosi akuãimo:

Ukamba

Wa siata oku tata ndati olonjali viove? Anga hẽ wa siata oku pua epandi lavo, pamue oku vangula lukãlu poku situlula ovisimĩlo viove? Ovituwa o lekisa poku tata epata liove ovio vi lekisa ndomo o ka tata ulume wove ale ukãi wove.—Va Efeso 4:31.

Ovituwa

Anga hẽ wa sunguluka ale ukualonamãlala? Wa sunguluka ale ale wa siata oku kisika oco ovina vi lingiwe ndomo o yongola? O tẽla hẽ oku likandangiwa eci o sakalala omo liocitangi cimue? Wa siata hẽ oku lekisa epandi? Oku kuata ovituwa via tukuiwa kukanda wa va Galatia 5:22, 23, ci ka ku kuatisa oku lipongiya oco o kale ohueli yiwa kovaso yoloneke.

Olombongo

Wa siata oku talalavaya ndati lolombongo viove? Otembo yosi o kuete olofuka? O tẽla hẽ oku talavaya kupange umue otembo yalua? Nda ku ci tẽla, momo lie? Momo liupange? Cime cove? Ale momo liocituwa cimue ove o sukila oku siapo? Nda ku tẽla oku talavaya ciwa lolombongo viove, o ka tẽla ndati oku talavaya lolombongo viepata?

Ekolelo

Nda ove Umbangi ya Yehova ovikele vipi o kuete? Ove hẽ o sokiya otembo yoku tanga Ondaka ya Suku, oku enda kupange woku kunda kuenda kolohongele? Omunu o yongola oku kuela laye, o sesamẽla omunu umue o kuete ekolelo lia pama.—Ukundi 4:9, 10.

Nda wa likulĩha ciwa ove muẽle, o ka tẽla oku sanga omunu umue okuti, o ka ku kuatisa oku limbuka ovituwa viove viwa okuti, vina ka via sungulukile havioko.