Skip to content

Olombangi Via Yehova

Select language Umbundu

Nye Ndinga Nda Ñasi Oku Vetiyiwa Oku li Pekela?

Nye Ndinga Nda Ñasi Oku Vetiyiwa Oku li Pekela?

Citava okuti o lipula ndoco: “Mbi hĩse oku tava ale? Siti, omanu vosi voluali va siata oku lipekela?”

Talama kuenda sokolola!

Ocili: Havosiko va siata oku lipekela.

Ocili okuti, ovolandu a lekisa ocisimĩlo ca litepa. Ekonomuiso limue lia lingiwa ko Estados Unidos lia lekisa okuti, pokati kamalẽhe va 3, amalẽhe 2 va lipekela ale eci va kala oku tangela kosikola ya pita pokati. Eci ci lombolokavo okuti 1 pokati 3, ka siatele oku lipekela.

Nye ci popiwa catiamẽla ku vana va kuete ocituwa caco? Vakuakukonomuisa va limbuka okuti valua pokati kamalẽhe vaco, va siata oku li pita lovitangi ndevi vikuãimo.

Oku livetela evelo. Amalẽhe valua va lipekela osimbu handi ka va kuelele, noke va li vetela evelo.

Oku lipekela osimbu kua kuelele ci sokisiwa loku kuata okuadro yimue yafina loku lipuenyelapo kolomãhi

Atatahãi. Noke yoku lipekela, kavali kavo va lipula: ‘Eye wa lipekela vali lelie?’

Esumuo. Amalẽhe valua afeko va yongola umue o va teyuila okuti una o va linga cĩvi hayeko. Amalẽhe valua akuenje va limbuka okuti ka va vetiyiwa oku sola ufeko una wa tavele ale oku lipekela laye.

Oku malusula: Etimba liove li kuete esilivilo lialua okuti ka citava oku lieca ndocina cimue ka ci kuete esilivilo. Lekisa okuti o kuete onjongole yoku pokola kocihandeleko ca Suku coku yuvula oku lipekela osimbu kua kuelele. Eci o kuela o ka lipekela. Pole, o ka ci linga loku tula utima, ku ka sakalala, ku ka livela kuenda ku ka kuata ovitangi vi tunda koku lipekela osimbu kua kuelele.—Olosapo 7:22, 23; 1 Va Korindo 7:3.