Skip to content

Olombangi Via Yehova

Select language Umbundu

Omuenyo u Kuete Ocimãho Cipi?

Omuenyo u Kuete Ocimãho Cipi?

Apulilo Atambuluiwa Lembimbiliya

Omanu valua va siata oku li pula eci catiamẽla kocimãho comuenyo poku pula vati: “ Momo lie tu kasilili kulo?” ale “Omuenyo u kuete ocimãho cipi?” Embimbiliya li lekisa okuti ocimãho comuenyo wetu oku kuata ukamba uwa la Suku. Kũlĩhisa ovina vimue viocili via longa via situluiwa Vembimbiliya.

  • Suku eye ululiki wetu. Embimbiliya li popia hati: ‘Limbuki okuti Suku eye wa tu lulika kuenje tuvaye.’—Osamo 100:3; Esituluilo 4:11.

  • Suku o kuete ocimãho lovina viosi a lulika oku kongelamo etu.—Isaya 45:18.

  • Suku wa tu lulika lonjongole ‘yoku lilongisa ovina viatiamẽla kokuaye’ oku kongelamo onjongole yocimãho comuenyo. (Mateo 5:3) Eye o yongola okuti onjongole yetu yi tẽlisiwa. —Osamo 145:16.

  • Tu tẽlisa onjongole yetu yoku kũlĩha Suku poku kuata ukamba laye. Ndaño okuti, ocisimĩlo coku kala ekamba lia Suku ka ca lelukile ku vamue, pole, Embimbiliya li tu vetiya okuti: “Amẽli ku Suku kuenje eye amẽla kokuene.”—Tiago 4:8; 2:23.

  • Oco tu kale akamba va Suku, tu sukila oku kuata omuenyo u litava locimãho caye ca tiamẽla kokuetu. Embimbiliya li situlula ocimãho caco kelivulu Liukundi 12:13 okuti: “Sumba Suku, pokola kovihandeleko viaye; momo eci oco ocikele comanu vosi.”

  • Kovaso yoloneke tu ka mola oku tẽlisiwa kuocimãho ca Suku eci eye a ka malako ohali kuenda oku eca omuenyo ko pui kakamba vaye, vana vo vumba. —Osamo 37:10, 11