Skip to content

Olombangi Via Yehova

Select language Umbundu

Ndi Sukila hẽ Oku Likutilila Kolosandu?

Ndi Sukila hẽ Oku Likutilila Kolosandu?

Etambululo Liembimbiliya

Sio. Embimbiliya li lekisa okuti tu sukila oku likutilila lika ku Suku vonduko ya Yesu. Yesu wa sapuila olondonge viaye hati: “Oco li kutilili ndeci, hoti, A Isietu o kasi kilu. Onduko yove yi sumbiwe.” (Mateo 6:9) Eye lalimue eteke a longisa olondonge viaye oco vi likutilile kolosandu, kovangelo ale komunu ukuavo okuti ku Suku hakoko.

Yesu wa sapuililevo oloñame viaye hati: “Ame ndinjila, haime ndicili, haime ndimuenyo. Lomue iya ku Isia, te lame.” (Yoano 14:6) Yesu eye lika wa nõliwa la Suku oco a tu pingileko.—Va Heveru 7:25.

Nda nda likutilila hẽ ku Suku kuenda kolosandu?

Pokati Kovihandeleko Ekũi Suku wa vokiyako hati: “Ame Yehova, Suku yove, ndi Suku yesepa.” (Etundilo 20:5) Konepa yipi okuti Suku ‘ukuesepa’? Embimbiliya New American Bible (Centro Bíblico Católico) li popia okuti, eye ‘lika o sesamẽla efendelo.’ Suku o yongola okuti ovilinga viesivayo ale viefendelo oku kongelamo ohutililo vi tiamisiwila lika kokuaye.—Isaya 48:11.

Tu sumuisa Suku nda tua likutilila komunu ukuavo, ndaño muẽle kolosandu ale kovangelo vi kola. Eci upostolo Yoano a seteka oku fendela ungelo umue, ungelo waco wo tateka poku popia hati: “Ku ka ci linge! Ame ndukuenje wove kuenda wa vamanjove vana va kuete ocikele coku eca uvangi watiamẽla ku Yesu. Fendela Suku!”—Esituluilo 19:10.