Skip to content

Olombangi Via Yehova

Select language Umbundu

Nda Ulume Lukãi va Lisole, ca Sunguluka hẽ Oku Kala Pamosi Osimbu ka va Tokekisile Olohuela?

Nda Ulume Lukãi va Lisole, ca Sunguluka hẽ Oku Kala Pamosi Osimbu ka va Tokekisile Olohuela?

Etambululo Liembimbiliya

Embimbiliya li situlula ciwa okuti, ‘Suku o ka sombisa vakahonga la vakahokolo.’ (Va Heveru 13:4) Kelimi lio Helasi vondaka por·nei′a, okuti, ‘ukahonga’ mua kongela oku lipekela kuomanu vana ka va tokekisile handi olohuela viavo. Omo liaco, ka ca sungulukile kovaso a Suku okuti, ulume lukãi va kala pasomi osimbu ka va tokekisile olohuela viavo.

Oco hẽ, nye ci popiwa nda nda ulume lukãi va lisole calua? Suku o kisika okuti te va tokekisa muẽle olohuela viavo osimbu ka va lipekelele. Suku eye wa tu lulika lonjongole yoku kuatela ocisola vakuetu. Ocisola oco ocituwa ca velapo ca Suku. (1 Yoano 4:8) Omo liaco, Yehova o kuete esunga lioku kisika okuti omanu va likuele, ovo lika va kuete omoko yoku lipekela.