O JW LIBRARY
Fetika Oku Talavaya lo JW Library—Android
Ciwa wa iñila vo JW Library. O aplikativo yilo ya sokiyiwila oku tanga loku lilongisa Embimbiliya. O pondola oku talavaya lolondimbukiso vio aplikativo yaco vi kasi kulala woku sandiliya. Oco wiñile vulala woku sandiliya, seya lomuine konẽle yepĩli, ale tioka pondimbukiso Yoku Fetika konẽle yepĩli kilu.
Embimbiliya
Ku lekisiwa Embimbiliya oco o tange, loku tapa Ambimbiliya akuavo. Tioka kelivulu Liembimbiliya, noke ketendelo, kuenje tanga. Eci o tanga, o sanga atosi, latosi akuavo, lovisonehua vikuavo apa o Lilongisa. Oco o tale Ambimbiliya akuavo, yulula ponepa yoku sandiliya, noke tioka Pembimbiliya oco o tiukile kulala walivulu Embimbiliya.
Alivulu
Ponepa Alivulu citava oku tala ovipama vialivulu oku tanga, vioku yevelela, lolovideo. Tioka kelivulu limue oco o tange. Poku tanga, o sanga ovisonehua vimue via tukuiwa. Tioka Pocisonehua oco o tale ocinimbu caco ponepa o Lilongisa. Tioka kulala wa yikula oco ende pocinimbu Cembimbiliya.
Oco o yulule elivulu likuavo, kuende ponepa yoku sandiliya noke tioka Alivulu oco o tiukile kulala walivulu.
Ocisonehua Ceteke Leteke
Kuende ponepa yoku sandiliya, tioka Kocisonehua Ceteke Leteke oco o tale ocisonehua.
Online
Ponepa yoku sandiliya pa sangiwavo o Online okuti muli olonumbi vietu vio Internet.
Apongoloko
kũlĩhĩsa nda vo JW Library mua lingiwa apongoloko oco a iñilevo votablet yove.
Talavaya locimalẽho cokaliye co Android ci sangiwa vo tablet yove ale votelefone. Oco o kũlĩhe olonumbi vikuavo, iñila vonumbi eyi: https://support.google.com/nexus/answer/4457705.
Oco ci ku leluke, sokiya o tablet yove lonjila yimue okuti yi linga apongoloko oyo muẽle. Oco o kũlĩhe olonumbi vikuavo, iñila vonumbi eyi: https://support.google.com/googleplay/answer/113412.
