Skip to content

Skip to table of contents

Olombangi Via Yehova

Select language Umbundu

O JW BROADCASTING

Tala Ovipama Vio Jw Broadcasting vo Roku

Tala Ovipama Vio Jw Broadcasting vo Roku

Onepa yokuti Em Exibição yi sangiwa vo JW Broadcasting ya li soka lo televisão, mu sangiwa olonepa vialua vi lekisa ovolandu a sokiyiwa ale. Nda o yongola oku tala ovideo (ale oku yi tala tunde kefetikilo, oku talama, oku tiukila konyima ale oku enda kovaso), kuende ponepa yokuti, Olovideo.

(Kũlĩhisa: Onumbi eyi yi lekisa oviluvialuvia locimãleho co Roku 3. Citava okuti o komando yo televisão yove ya litepa.)

Kuama lutate olonumbi vikuãimo oco vi ku kuatise oku tala ovipama vio JW Broadcasting vo Roku:

  • Oku tala onepa yimue

  • Oku pongolola onepa

  • Oku talavaya lonepa yoku sandiliya olonepa

Oku tala onepa yimue

Kemẽla liatete lio JW Broadcasting, nõla onepa Em Exibição oco o tale ulala wovipama.

Lekuatiso yolondimbukiso Kepĩli kuenda Kondio yo komando yove, sandiliya ovipama. Ocipama ci molẽha tete ci ka molẽha vokati ko televisão kuenda ci ka kuata ociluvialuvia cimue, osapi yimue kuenda olondaka vimue via teta onimbu. Tioka pondimbukiso OK oco o nõle ocipama ci molẽha.

Osimbu ovideo yaco yi fetika, mu ka molẽha onduko yo televisão, osapi yovideo yi lekisiwa kuenda olosapi violovideo vitatu vikuãimo.

Onumbi: Nda ovideo ya fetika oku lekisiwa kuenda o yongola oku seleka ulala wolonepa vio televisão, tioka pondimbikiso konẽle Yepĩli yo komando yove.

Oku pongolola onepa yo televisão

Kuli olonjila vivali vioku pongolola olonepa vio televisão osimbu o tala onepa yikuavo ndevi:

  • Oku tiukila kulala oco o nõla onepa yikuavo

    Tioka polondimbukiso Kepĩli ale Kondio oco o tiukile kulala woku nõla olonepa vikuavo. Talavaha lolondimbukiso Kepĩli ale Kondio oco o sandiliye olonepa vikuavo vo televisão. Oco o nõle onepa yimue, tioka pondimbukiso OK.

  • Sandiliya ocipama cikuavo

    Osimbu o kasi oku tala ocipama cimue co televisão, tioka polondimbukiso yokuti, Para cima ale Para baixo oco o pongolole onepa yaco. Osimbu ovideo yaco yi fetika, mu ka molẽha onduko yo televisão, kuenda osapi yovideo yi lekisiwa. Tioka pondimbukiso yokuti Para cima ale Para baixo, oco o pongolole onepa yaco ale kevelela toke ovideo yaco yi lekisiwa.

Oku Talavaya Lulala Wolonepa Votelevisão

Osimbu o kasi oku tala onepa yimue yotelevisão, tioka pondimbukiso yi kasi konẽle Yondio, oco o tale ulala wolonepa viotelevisão.

Ulala waco u lekisa onduko yonepa yaco, osapi yovideo yi kasi oku lekisiwa kuenda osapi yolovideo vitatu vikuãimo. Handi vali, ulala wolonepa viotelevisão vi talavaya volonjila vivali: Oku Lekisiwa tunde Kefetikilo kuenda Oku lekisiwa kumue Lolondaka. Nda o yongola oku yikula ale oku yika olonepa viaco, tioka polondimbukiso Para cima ale Para baixo kuenda tioka pondimbukiso OK.

  • Oku Lekisiwa tunde Kefetikilo: Talavaya lonepa yaco oco o tale ovideo yimuamue, pole vonepa yokuti Olovideo. Vonepa yaco o pondola oku tala ovideo tunde kefetikilo, oku talama, oku tiukila konyima loku enda kovaso.

  • Oku Lekisiwa Kumue Lolondaka: Talavaya lonepa yaco oco ku molẽhe olondaka vovideo o kasi oku tala kuenda oco olondaka viaco vi molẽhe (nda olovideo vi kuete) volovideo viosi volonepa viokuti, Em exibição kuenda Olovideo. Oco ka mu ka molẽhe vali olondaka, tiukila pondimbukiso yaco kuenda nõla onepa yokuti, Oku Lekisa Okuti Olondaka ka vi Molẽha. (Kũlĩhisa: Onepa eyi yi ka molẽha lika nda vovideo o kasi oku tala mu sangiwa olondaka.)

Oco o yike ulala wolonepa vio televisão, tioka polondimbukiso konele Yepĩli ale Kondio ale tioka ponepa oku Tiukila.