Skip to content

Skip to table of contents

Olombangi Via Yehova

Select language Umbundu

Apulilo Embimbiliya a Tambuluiwa

Apulilo Embimbiliya a Tambuluiwa

Anga hẽ tu pondola oku kũlĩha ocili catiamẽla ku Suku?

Momo lie suku a yonguila okuti tu lilongisa ocili? tanga yoano 17:3

Suku wa siata oku vangula lomanu. Eye wa kapa ovisimĩlo viaye vovitima viomanu va soneha Embimbiliya lekuatiso liespiritu sandu, ale ongunsu yaye ya pama. (2 Petulu 1:20, 21) Tu pondola oku kũlĩha ocili catiamẽla ku Suku poku tanga Embimbiliya.—Tanga Yoano 17:17; 2 Timoteo 3:16.

Suku wa situlula ovina vialua viatiamẽla kokuaye. Eye wa lombolola esunga lieci a lulikila omanu, eci a ka linga lomanu, kuenda o yongola okuti tu ambata omuenyo ndomo eye a yongola. (Ovilinga 17:24-27) Yehova Suku o yongola okuti tu kũlĩha ocili catiamẽla kokuaye.—Tanga 1 Timoteo 2:3, 4.

Momo lie Suku a sanjukilila ava va sole ocili?

Yehova eye Suku yocili, kuenje wa tuma Omõlaye Yesu oku longisa ocili komanu. Omo liaco, ava va sole ocili va kokiwa ku Yesu. (Yoano 18:37) Suku o yongola okuti omanu vaco va linga afendeli vaye.—Tanga Yoano 4:23, 24.

Satana Eliapu wa siata oku tateka omanu valua oku kũlĩha Suku, poku sandula alongiso esanda atiamẽla Kokuaye. (2 Va Korindo 4:3, 4) Omanu ka va sole eci ciwa, va tava kalongiso aco esanda. (Va Roma 1:25) Olohuluwa viomanu vakuavitima via sunguluka, va sanda ocili catiamẽla ku Suku poku lilongisa Embimbiliya.—Tanga Ovilinga 17:11.