Skip to content

Skip to table of contents

Olombangi Via Yehova

Select language Umbundu

 OSAPI YO KOÑOÑO | VELIE OLOMBANGI VIA YEHOVA?

Pi ku tunda olombongo vi kuatisa kupange wetu?

Pi ku tunda olombongo vi kuatisa kupange wetu?

Unyamo lunyamo, tu panga kuenda tu eca eci ci soka olohuluwa lolohuluwa Viambimbiliya kuenda alivulu a lombolola ovolandu a sangiwa Vembimbiliya. Tu tunga loku tata olofiliale kuenda olomakina vioku panga alivulu voluali luosi. Akongelo alua a liongoluila vovitumãlo via posoka vioku fendela vi tukuiwa hati, Olonjango Viusoma. Helie wa siata oku eca olombongo vi kuatisa kupange waco?

Upange wetu wa siata oku kuatisiwa lolombanjaile vi eciwa lutima wosi. (2 Va Korindo 9:7) Kunyamo wo 1879, o revista yavali ya pangiwa ya lombolola ndoco: “‘A Torre de Vigia de Sião’, [ndomo Utala Wondavululi wa enda oku tukuiwa], tu tava okuti YEHOVA eye o kasi oku songuila upange waco kuenda lalimue eteke tu ka pinga ekuatiso liomanu.” Ka tua pongoluile ocisimĩlo caco.

Olombanjaile via siata oku tumiwa kolofiliale vietu ale oku kapiwa volokasia vi sangiwa Volonjango Viusoma. Pole lalimue eteke tu pinga, oku kongola olombongo ale oku pinga elisimu kupange wetu ale kalivulu etu. Etu ka tu fetiwa poku kunda, poku longisa vekongelo, ale poku kuatisa koku tunga ovitumãlo viefendelo. Yesu wa popia hati: “Omo wa tambuli ocali oco ecivo ocali.” (Mateo 10:8) Omanu vosi va talavaya kolofiliale kuenda voloseketa vietu vikuavo voluali, oku kongelamo vana va panga onepa Kosungu Yolombangi Via Yehova, ka va fetiwa.

“Ndomo ca siata kovopange osi Olombangi Via Yehova, upange wavo u kuatisiwa lolombanjaile vi eciwa lutima wosi, ci lomboloka okuti omunu lomunu eye o nõla eci a eca ‘ndombanjaile.’”Ekanga Linene Kombala yo Europa li Teyuila Omanu, 2011

Olombanjaile vi tambuiwa via siatavo oku kuatisa vamanji vana va pita lovilunga. Akristão kocita catete va sanjukililevo oku kuatisa vana va pita lovilunga. (Va Roma 15:26) Cimuamue haico koloneke vilo okuti, tua siatavo oku ci linga poku semulula olonjo viavo, ovitumãlo viefendelo, oku vaiha okulia, uwalo kuenda ovihemba.