Skip to content

Skip to table of contents

Olombangi Via Yehova

Select language Umbundu

Nye ci Pita Noke Yoku fa?

Nye ci Pita Noke Yoku fa?

 Osapi Yo Koñoño

Nye ci Pita Noke Yoku fa?

“Nda kuatele ocisimĩlo cokuti, kuli ovitumãlo vitatu omunu a pondola oku enda noke yoku fa ndeci: Kilu, vifelu ale vopurgatoriu. Nda kũlĩhĩle okuti si sesamẽla oku enda kilu ale oku enda vifelu. Sia kũlĩhile eci ci lomboloka opurgatoriu. Lalimue eteke nda muile ulandu waco Vembimbiliya. Evi via kala lika ovisimĩlo viomanu vamue.”—Lionel [Pron: līʹənel] [male].[1]

“Nda longisiwile okuti eci omanu va fa va enda kilu pole, sia tavele kocisimĩlo caco. Nda simĩle okuti olofa esulilo liovina viosi kuenda omanu va fa ka va kuete vali elavoko lalimue.”—Fernando.

Lipula ndoco: ‘Nye ci pita lomunu eci a fa? Vangandietu va fa va kasi hẽ oku tala ohali kocitumãlo cimue? Eteke limue tu ka li sanga vali lavo? Tu kuata ndati ekolelo liaco?’ Kũlĩhisa eci Embimbiliya li popia. Catete tu kũlĩhisi eci Embimbiliya li popia catiamẽla kolofa. Noke, tu kũlĩhisavo elavoko Ondaka ya Suku yeca.

 Lipi ekalo liomanu va fa?

ETAMBULULO LIEMBIMBILIYA: “Ava va kasi lomuenyo va kũliha okuti va laika oku fa, puãi ava va fa lacimue va kũliha, ndaño onima yimue ka va kuete vali, momo onjivaluko yavo ya nyõleha. Cosi eka liove lia kuata ci linga longusu yove; momo vonjembo omo wenda ka muli upange, ndaño ovikuata, ndaño ukũlihiso, ndaño olondunge.” *Ukundi 9:5, 10.

Ondaka Onjembo, yi lomboloka ocitumãlo coku kenda omanu eci va fa. Pole ocitumãlo caco cocindekaise ale ekalo limue ka li ecelela oku linga cimue. Yovi ulume umue ukuekolelo wa tendele ndati Onjembo? Eye wa pesela ovina viosi a kuatele ndeci: Olofa viomãla vaye veteke liongongo, kuenda etimba liaye liosi lia kuatele olombulu. Kuenje wa popia la Suku hati: “Nda wa tavele oku mbundisa vonjembo! Nda wa tavele oku mbundisa.” (Yovi 1:13-19; 2:7; 14:13) Ocili okuti Yovi ka tendele Onjembo ndocitumãlo cimue co ku talisiwa ohali, pole wa ci tendele ndocitumãlo cimue cepuyuko.

Kuli onjila yikuavo yoku lilongisa ocili catiamẽla kekalo liomanu va fa. Tu pondola oku kũlĩhisa ovolandu a sangiwa Vembimbiliya atiamẽla komanu ecelãla va pinduiwa.—Tanga okakasia, “Apinduko Ecelãla a Tukuiwa Vembimbiliya.”

Omanu vaco ecelãla va pinduiwa, lomue pokati kavo wa popia hati, wa kala vondalu ale vocitumãlo coku kangisiwa. Nda ovo va kalele vovitumãlo viaco eci va fa, nda ka va ci popele hẽ komanu? Eci nda ka ca kongeliwile hẽ vulandu Wembimbiliya oco vosi yetu tu ci tange? Vembimbiliya ka mu sangiwa ulandu waco. Omanu ecelãla va pinduiwa ka va popele lacimue catiamẽla kulandu waco. Momo lie? Momo ka va kũlĩhile lacimue kuenda va kala ndu okuti va pekelele. Olonjanja vimue Embimbiliya li sokisa olofa ndotulo. Ndeci Daviti kuenda Stefano, vosi yavo ‘va pekela kolofa.’—Ovilinga 7:60; 13:36.

Omanu va fa, va kuete elavoko li pi? Va pondola hẽ oku pasuka kotulo tuaco?

[Atosi pombuelo yamẽla]

^ tini. 7 Vo Tradução do Novo Mundo das Escrituras Sagradas, ondaka “onjembo” kelimi lio Heveru yi tukuiwa hati: “Seol,” kuenda kelimi lio Helasi yi tukuiwa hati, “Hades.” Ambimbiliya amue poku tukula ondaka “ifelu,” yeca ocisimĩlo cokuti kuli ocitumãlo cimue coku talisila ohali omanu vana va fa, pole ocisimĩlo caco ka ci sangiwa Vembimbiliya.

[Olondaka vielitalatu kemẽla 4]

APINDUKO ECELÃLA A TUKUIWA VEMBIMBILIYA

Omõla a cimbumba Uprofeto Eliya wa pindula omõla a cimbumba wa kala ko Sarepata, konano yo Isareli.—1 Olosoma 17:17-24.

Ukuenje umue u Siunami Kapiñala ka Eliya, uprofeto Elisia, wa pindula umãlehe umue volupale luo Siunami kuenda wo weca kolonjali viaye.—2 Olosoma 4:32-37.

Ulume umue veyambo Etimba liulume umue wa file lia imbiwa veyambo mua kala akepa a Elisia. Eci etimba liulume lia lamba kakepa a Elisia, ulume waco wa pinduka.—2 Olosoma 13:20, 21.

Omõla a cimbumba ko Naini Yesu wa talamisa alume va kala oku ambata ocivimbi kosamua yo Naini, oco a pindule umalẽhe ukuenje kuenda wo weca ku inaye wa kala oku lila calua.—Luka 7:11-15.

Omõla ufeko wa Yairo Yairo, ukulu wosunangonga, wa pinga ku Yesu oco a kuatise omõlaye ufeko wa kala oku vela. Eci a fa, ka pa pitile otembo yalua Yesu wo pindula.—Luka 8:41, 42, 49-56.

Lasaru, ekamba lia soliwa lia Yesu Eci Yesu, a pindula Lasaru, pa pitile ale oloneke vikuãla tunde eci a fa kuenda wa ci lingila kovaso yowiñi.—Yoano 11:38-44.

Kambambi Upostolo Petulu wa pindula ukãi u wa soliwa, wa kũlĩhiwile okuti ukuavilinga viwa.—Ovilinga 9:36-42.

Eutuko Umãlehe umue londuko Eutuko wa fa eci a patusuka ponjanela; kuenje upostolo Paulu wo pindula.—Ovilinga 20:7-12.

[Atosi pombuelo yamẽla]

Epinduko lia velapo lia Yesu Kristu, okuti lia li tepa lapinduko ecelãla ndomo ci ka lomboluiwa vocipama ci kuãimo.

1. ▶Personal Information on File◀

2. ▶Personal Information on File◀

3. New World Translation of the Holy Scriptures, Watch Tower Bible and Tract Society of Pennsylvania, Revised 2013, (Watchtower Bible and Tract Society of New York, Inc., Brooklyn, NY), p. 1699.

4-4a. The Holy Bible, Catholic Douay Version, 1941, (The Douay Bible House, New York, NY), pp. 494, 611.

This page will not contain any WEB tags or SEO information.