Skip to content

Skip to table of contents

Olombangi Via Yehova

Select language Umbundu

Wa ci Kũlĩha?

Wa ci Kũlĩha?

Kesongo kolohoka via va Roma wa kuatele ocikele ci pi?

Ociñumañuma ca kesongo Marcus Favonius Facilis

Ovisonehua Viohelasi vi tukula olonjanja vialua va kesongo ka va Roma. Kesongo kasuãlali una wa songuila oku pondiwa kua Yesu, wa kuatelevo ocikele caco, ndeci Korneliu, omunu watete ukualofeka wa linga Ukristão. Esualali lina lia tuma upostolo Paulu oku tipuiwa, kuenda Juliu, wa kala oku songuila Paulu poku enda ko Roma, vosi yavo va kala va kesongo.Marko 15:39; Ovilinga 10:1, 22:25; 27:1.

Kesongo kolohoka wa kuatele ocikele coku songuila oku upisa 50 kuenda 100 kasualali. Vocikele caye mua kongelele oku pindisa, oku longisa asualali vaye, oku kũlĩhisa uwalo wavo kuenda ovimaleho loku va songuila vokuenda kuyaki.

Oku kala kesongo kolohoka via va Roma, ca kala ocikele ca velelepo. Pole, va kuatele ocikele caco, vana okuti va kasi ale otembo yalua vusualali kuenda asongui vawa. Epindiso kuenda oku loñoloha kuasualali vo ko Roma koku tẽlisa ovikele viavo, catambele ño ku va kesongo kaco. Ulandu umue u lekisa okuti, ocikele coku kala kesongo ca enda oku eciwa ku “vana okuti va loñolohele calua kuenda va tẽlele oku songuila uyaki.”

Alumuĩlo o kosimbu a litepa ndati lalumuĩlo o koloneke vilo?

Olumuĩlo o Kegito Yosimbu

Oku li tepa kualumuilo o koloneke vilo, ceci okuti o kosimbu a pangawaile lutale wa sieleñiwa ciwa losipi—olonjanja vimue ci lingiwa lopalata ale ulu. Onjanja yatete olumuĩlo wa tukuiwa Vembimbiliya wa tiamisiwila koku tungiwa kuotavernakulu, ono yatete yefendelo ko Isareli. Akãi va eca olombanjaile via lumuilo oco va tele lavio etasu liosipi. (Etundilo 38:8) Alumuĩlo aco va enda oku a yengulula oco va linge lao upange waco.

Alumuĩlo a lembuluiwa ocipepi lo Isareli, a sangiwa kumosi lovina via tĩla kuenda ovina vikuavo viakãi vioku liposuisa. Alumuĩlo aco a ñualelepo ndelola locikuatelo cuti, cutale ale leyo lionjamba lia posuisiwa, okuti olonjanja vimue vi kuata ocipala cukãi. Onele yolumuĩlo ka ya sieleñiwile, ka va endele oku yi posuisa.

Oku nina kualumuĩlo osimbu, kua litepa loku nina kualumuĩlo o koloneke vilo. Ulandu waco u situlula ciwa eci upostolo Paulu a lombolola poku popia hati: “Cilo tu vanja vanja volumuĩlo lua vuvala.”1 Va Korindo 13:12.