Skip to content

Skip to table of contents

Olombangi Via Yehova

Select language Umbundu

 OSAPI YO KOÑOÑO | ANGA HẼ SATANA OMUNU MUẼLE?

Anga hẽ Satana Omunu muẽle?

Anga hẽ Satana Omunu muẽle?

Ociñumañuma cimue kolupale luo Madri kofeka yo Espanya ci lekisa Satana ndungelo umue ũvi o kasi oku kupuka

“Nda kulila ko El Salvador. Eci ndi lekisa esino, ina yange, wa enda oku ndi sapuila hati: ‘Eliapu liya liu kupa!’ Noke ndi tambulula hati, ‘Liye ño!’ Ame nda kolelele ku Suku, pole, sia tavele ku Satana.”—ROGELIO.

Ove hẽ o tava kocisimĩlo cumalẽhe Rogelio? Pokati kovisimilo vi kuãimo, ci pi o sima okuti oco ca sunguluka?

  • Satana hamunuko, eye ocindekaise cimue cevĩho.

  • Kuli Satana, pole ka kapeleko omanu.

  • Satana ociluvo cimue cespiritu ci kuete unene, haeye o sanda oku yapuisa omanu.

Omanu valua va teyuila ovisimilo evi. Anga hẽ, ovisimĩlo evi viocili? Nda ka kuli Satana, omanu vana va tava okuti kuli Satana, va kasi oku kembiwa. Handi vali, nda kuli Satana, pole ka kapeleko omanu, vana vo kuetele usumba ka va kuete esunga lioku ci linga. Nda Satana ukuelimbi, ci lomboloka okuti, omunu umue ũvi calua okuti cina omanu va sima ci sule.

Tu kũlĩhisi ndomo Embimbiliya li Kola li tambulula apulilo akuãimo ndeci: Satana Helie? Anga hẽ ocindekaise cevĩho ale omunu ukuespiritu? Satana nda omunu—ove hẽ u kuetele usumba? Nda oco o pondola ndati oku liteyuila kokuaye?