Skip to content

Skip to table of contents

Olombangi Via Yehova

Select language Umbundu

Apulilo Embimbiliya a Tambuluiwa

Apulilo Embimbiliya a Tambuluiwa

Momo lie tu likutililila oco Usoma wa Suku wiye?

O yongola hẽ oku kũlĩha ovina vikuavo viatiamẽla Kusoma wa Suku kuenda eci u ka tẽlisa?

Usoma wa Suku uviali umue wo kilu. Yesu wa sapuila olondonge viaye oku likutilila oco usoma wiye, omo u ka tumbulula esunga kuenda ombembua palo posi. Olombiali viomanu ka vi tẽla oku mãlako ungangala, ekambo liesunga, ale ovovei, pole Usoma wa Suku u kuete unene woku ci linga kuenda u ka ci tẽlisa. Suku wa nõla Omõlaye Yesu, oco a linge Osoma, Yusoma. Yehova wa nõlavo ocisoko cimue colondonge via Yesu oco va ka viale laye Vusoma.—Tanga Luka 11:2; 22:28-30.

Usoma wa Suku u ka nyõla ovanyali vosi vuviali Waye. Oku likutilila oku iya Kusoma wa Suku, epingilo limue li lekisa okuti Usoma wa Suku wiya oco u piñale olombiali viomanu.—Tanga Daniele 7:13, 14; Esituluilo 11:15, 18.

Momo lie Usoma wa Suku u ka kuatisila omanu?

Yesu Osoma yiwa momo ukuahenda. Omo okuti Omõla a Suku, eye o kuete unene woku kuatisa vosi va lila loku pinga ekuatiso ku Suku.—Tanga Osamo 72:8, 12-14.

Usoma wa Suku u ka kuatisa vosi va likutilila lutima wosi oco usoma wiye kuenda vambata omuenyo u likuata locipango ca Suku. Lalimue eteke o ka livela omo lioku lilongisa eci Embimbiliya lilombolola catiamẽla Kusoma wa Suku.—Tanga Luka 18:16, 17; Yoano 4:23.