Skip to content

Skip to table of contents

Olombangi Via Yehova

Select language Umbundu

 OSAPI YO KOÑOÑO | ANGA HẼ SUKU WA KU KAPAKO?

Suku oku Lembeleka

Suku oku Lembeleka

“Suku, u o lembeleka ava va sumua, wa tu lembeleka.”2 VA KORINDO 7:6.

“Omõla a Suku . . . wa ndi sola haeye wa liecela oku mopela.”VA GALATIA 2:20

ESUNGA LIECI VAMUE VA KUETELE ATATAHÃI: Omanu valua ndaño va limbuka okuti va sukila elembeleko, pole va sima okuti, oku pinga ku Suku oco a va kuatise kovitangi viavo, uveke. Ukãi umue o tukuiwa hati Raquel wa popia hati: “Eci ndi vanja ndomo omanu valua va kasi oku liyaka lovitangi vinene, ndi sima siti ovitangi viange ka vi silivila kuenje ndi kuata ohele yoku pinga ekuatiso ku Suku.”

CECI ONDAKA YA SUKU YI LONGISA: Suku wa siata oku kuatisa omanu loku va lembeleka lonjila yimue yi komohisa. Omanu vosi voluali va piñala ekandu—lina li va tateka oku pokola ciwa kolonumbi via Suku. Pole, Suku “wa tu sola. kuenje wa tuma Omõlaye [Yesu Kristu] ha lingi ocitundasonde cakandu etu.” (1 Yoano 4:10) Omo liocisembi ca Yesu, Suku wa linga esokiyo lioku ecela akandu etu, loku kuata utima wa yela, lelavoko lioku kala otembo ka yi pui lombembua voluali luokaliye. * Anga hẽ ocisembi caco ca eciwa ño komanu vosi ale ci lekisa okuti Suku wa ku kapako?

Kũlĩhisa ulandu wupostolo Paulu. Omo lioku vetiyiwa locisembi ca Yesu, wa soneha hati: “Omuenyo ñasi lawo vetimba ñasi lawo omo nda kolela Omõla a Suku u wa sola haeye wa liecela oku mopela.” (Va Galatia 2:20) Ocili okuti, eci Yesu a fa Paulu ka kaile handi Ukristão. Pole, Paulu wa tendele ocisembi ndombanjaile Suku a eca kokuaye.

Olofa viocisembi ca Yesu, ombanjaile yimue Suku a eca kokuove. Ombanjaile yaco yi lekisa ndomo Suku a ku kapako. Ombanjaile yaco yi ku ĩha “elembeleko ka li pui lelavoko liwa, loku ikisa upange wosi uwa londaka yosi yiwa.”2 Va Tesalonike 2:16, 17.

Tunde eci Yesu a eca omuenyo waye ndocisembi, papita eci ci soka 2.000 kanyamo. Nye ci lekisa okuti Suku o yongola oku kuata ukamba love koloneke vilo?

^ tini. 5 Oco o sange alomboluilo akuavo atiamẽla kocisembi ca Yesu, tanga ocipama 5, velivulu Embimbiliya li Longisa Nye? lia sandekiwa Lolombangi Via Yehova.