Skip to content

Skip to table of contents

Olombangi Via Yehova

Select language Umbundu

Apulilo Embimbiliya a Tambuluiwa

Apulilo Embimbiliya a Tambuluiwa

Helie o kasi oku viala oluali lulo?

Nda Suku eye wa kale ombiali yoluali, anga hẽ voluali nda mueyuka vali ohali?

Omanu va tava okuti Suku yocili eye o kasi oku viala oluali lulo. Pole nda eci ca kale ocili, anga hẽ voluali nda mueyuka vali ohali? (Esinumuĩlo 32:4, 5) Ndomo ca lomboluiwa Vembimbiliya, oluali lu kasi peka lia umue ondingaĩvi.Tanga 1 Yoano 5:19.

Omunu umue ondingaĩvi, o pondola ndati oku viala omanu? Kefetikilo, ungelo umue wa sinĩla Suku kuenje wa vetiyavo olohueli viatete oku sinĩla Suku. (Efetikilo 3:1-6) Oloweli viaco via nõlapo oku pokola kungelo uvĩ, Satana kuenje wa linga ombiali yavo. Suku ukuonenewosi eye lika Ombiali ya sunguluka, pole, o yongola okuti omanu va nõlapo oku tiamẽla kuviali waye omo liocisola vo kuetele. (Esinumuĩlo 6:6; 30:16, 19) Ci sumuisa calua omo okuti, omanu valua va siatavo oku yapuisiwa oco va nõle onjila yĩvi ndeci olohueli viatete via linga.Tanga Esituluilo 12:9.

Helie o ka tetulula ovitangi viomanu?

Anga hẽ Suku o ka ecelela okuti Satana amamako oku viala? Sio! Suku o ka tuma Yesu oco a maleko evĩho liosi Satana a nena voluali.Tanga 1 Yoano 3:8.

Lunene wa Suku, Yesu o ka nyola Satana. (Va Roma 16:20) Noke Suku o viala omanu kuenje o ka tumbulula ekalo liwa liomanu ndeci a yonguile kefetikilo okuti vakuata esanju lombembua.Tanga Esituluilo 21:3-5.