Skip to content

Skip to table of contents

Olombangi Via Yehova

Select language Umbundu

Apulilo Embimbiliya a Tambuluiwa

Apulilo Embimbiliya a Tambuluiwa

Nye Yesu a ka linga kovaso yoloneke?

Yesu wa fa kunyamo wa 33 K.K., noke wa pinduiwa kuenda wa enda kilu. Kuenje, wa tambula omoko yoku vialekiwa komangu Yusoma. (Daniel 7:13, 14) Kovaso yoloneke, Yesu o ka nena ombembua palo posi loku malako evĩho.Tanga Osamo 72:7, 8, 13.

Omo okuti Yesu Osoma, o ka malako ekambo liesunga palo posi

Yesu o ka linga ovina vi komõhisa eci a ka viala omanu. Unene a tambula ku Isiaye, u ko kuatisa oku tumbulula ekalo liomanu lioku lipua. Ovo va ka sanjukila oku kala palo posi okuti ka va ka kuka vali ale oku fa.Tanga Yoano 5:26-29; 1 Va Korindo 15:25, 26.

Nye Yesu a kasi oku linga cilo?

Yesu cilo, o kasi oku songuila upange woku kunda u kasi oku lingiwa lolondonge viaye voluali luosi. Ovio vi sandiliya omanu loku lekisa kokuavo eci Embimbiliya li longisa catiamẽla Kusoma wa Suku. Yesu wa popia hati, o ka amamako oku kuatisa olondonge viaye oku linga upange waco, toke eci Usoma wa Suku u ka malako ovoviali osi omanu.Tanga Mateo 24:14; 28:19, 20.

Lekuatiso liekongelo Liakristão vocili, Yesu o kasi oku songuila omanu oco va kuate ekalo liwa komuenyo. Eye o ka amamako oku va songuila toke eci a ka kundula oluali lulo lua vĩha, kuenje va ka iñila voluali luokaliye Suku a likuminya.Tanga 2 Petulu 3:7, 13; Esituluilo 7:17.