Skip to content

Skip to table of contents

Olombangi Via Yehova

Select language Umbundu

 OSAPI YO KOÑOÑO | OVE HẼ O SUKILA OKU LIKUTILILA?

Momo Lie Omanu va Likutilila?

Momo Lie Omanu va Likutilila?

Ove hẽ o kuete ocituwa coku likutilila? Omanu valua oku kongelamo vana ka va tava ku Suku, va siata oku likutilila ale oku sokiya otembo yoku sokolola. Oco hẽ, momo lie omanu va siatele oku likutilila? Ekonomuiso limue lia lingiwa kofeka yo Fransa, lia lekisa okuti omanu vamue kofeka yaco va siata oku likutilila “oco va liyeve ciwa vutima.” Cimuamue haico ca siata oku linga omanu valua vo ko Europa okuti, ka va likutilila oco va vumbe Suku. Pole, va ci lingila oku sanda “ekavuluko liutima.” Vakuavo va likutilila lika ku Suku eci va sukila ekuatiso, loku lavoka lonjanga atambululo apingilo avo.Isaya 26:16.

Nye ci popiwa kokuove? Ove hẽ, o sima okuti ohutililo oyo onjila yi ku kuatisa oku sokolola ciwa? Nda wa kolela ku Suku, wa limbuka hẽ esilivilo lioku linga olohutililo? Ale osima okuti olohutililo viove ka via siatele oku tambuluiwa? Embimbiliya li pondola oku ku kuatisa oku limbuka okuti olohutililo ka vi kasi ndovihemba vi sakula, pole ovio onjila yi ku kuatisa oku kuata ukamba la Suku.