Skip to content

Skip to table of contents

Olombangi Via Yehova

Select language Umbundu

Apulilo Embimbiliya a Tambuluiwa

Apulilo Embimbiliya a Tambuluiwa

Olofa via Yesu vi tu kuatisa ndati?

Eci Suku a lulika omanu, wa va lulika locimaho coku kala otembo ka yi pui vongongo okuti ka va vela ale oku fa. Pole, omunu watete Adama ka pokuile Kululiki kuenje wa pumba esumũlũho lioku kala otembo ka yi pui. Omo okuti tucitumbulukila ca Adama, tua piñala olofa. (Va Roma 5:8, 12; 6:23) Suku yocili, Yehova, wa tuma Omõlaye, Yesu, palo posi oco afe loku tumbulula eci Adama a pumba.Tanga Yoano 3:16.

Yesu wa fa oco omanu va kuate omuenyo ko pui. O tenda ndati ocisimĩlo coku kala otembo ka yi pui palo posi?

Olofa via Yesu via ecelela okuti akandu etu acelua kuenda oku kuata elavoko lioku kala lomuenyo otembo ka yi pui. Embimbiliya li tu kuatisa oku sokolola ndomo omuenyo u ka kala eci oku kuka loku vela kuenda oku fa ka vi ka kalako vali.Tanga Isaya 25:8; 33:24; Esituluilo 21:4, 5.

Tu ivaluka ndati olofa via Yesu?

Kuteke wasulako eci handi Yesu ka pondiwile, wa sapuila olondonge viaye oco va ivaluke olofa viaye. Oku ivaluka olofa via Yesu, unyamo lunyamo, ci tu kuatisa oku limbuka ocisola Yehova la Yesu va kuetele omanu.Tanga Luka 22:19, 20; 1 Yoano 4:9, 10.

Unyamo ulo, Onjivaluko yolofa via Yesu, yi ka lingiwa Sengunda 14 ya Kupupu, noke yoku iñila kuekumbi. Ove wa lalekiwa oku kala kohongele yaco Lolombangi via Yehova vocikanjo cove.Tanga Va Roma 1:11, 12.