Skip to content

Skip to table of contents

Olombangi Via Yehova

Select language Umbundu

O ci Ivaluka?

O ci Ivaluka?

Ove hẽ wa sola oku tanga ovipama Viutala Wondavululi via sandekiwa volosãi via pita? Nda wa vi sola, tambulula apulilo a kuãimo:

Oku tanga Embimbiliya lovihilahila ci lomboloka nye, kuenda Akristão va yuvula ndati ocituwa caco?

Kuli omanu vamue okuti, poku yulula Embimbiliya, va tanga ovinimbu va mola tete loku sima okuti, olondaka viaco vi pondola oku va songuila. Akristão vocili ka va kuama onjila yaco. Momo, va tanga Embimbiliya locimãho coku kuata ukũlĩhĩso wocili oco va songuiwe lolonumbi via Suku.—15/12, kemẽla 3.

“Oluali” lu ka takata lu lomboloka nye?

“Oluali” lu ka takata, lu lomboloka omanu vana ka va lingi ocipango ca Suku. (1 Yoa. 2:17) Pole ongongo kuenda omanu va kuekolelo va ka popeliwa.—1/1, kamẽla 5-7.

Ndaño Havele wa fa, o vangula ndati letu? (Va Hev. 11:4)

Omo okuti Havele wa kuata ekolelo lia pama, tu pondola oku kuama ongangu yaye yoku lekisa ekolelo. Ongangu yaye yi tu kuatisa calua.—1/1, kemẽla 12.

Kovina vipi tu sukila oku lavulula oco ka tu ka tepe ukamba wetu la Suku?

Vimue pokati kovina viaco vievi: Upange wetu woku sanda eteku, olomapalo kuenda ovitalukilo, ukamba la vakuepata va tundisiwa vekongelo, ovoloño okaliye, oku sakalala loku vela, oku tiamisila lika utima kolombongo kuenda oku velisapo ekalo lietu.—15/1, kamẽla 12-21.

Umbombe wa Mose u tu longisa nye?

Ndaño okuti Mose wa kuatele omoko yoku songuila omanu pole, wa kolelele ku Suku. Ndaño tu kuete unene, ale epondolo lioku linga ovina vimue, tu sukila oku kolela ku Yehova. (Olosap. 3:5, 6)—1/2, kemẽla 5.

Vana va ka pinduiwa va ka kala pi?

Etendelo litito lieci ci soka 144.000 komanu, va ka kala kilu. Pole, etendelo liomanu valua, va ka pinduiwa oco va kale palo posi otembo ka yi pui.—1/3, kemẽla 6.

Ondaka yokuti va Isareli “ka va seviwile evamba lio vutima” yi lomboloka nye? (Yer. 9:26)

Omo okuti vamue va Isareli va lekisile esino, va sukilile oku upa vutima wavo ovisimĩlo vĩvi, kuenda ovina vikuavo ka vi litava locipango ca Suku. (Yer. 5:23, 24)—15/3, kamẽla 9-10.

Ongangu ya Yesu yi lekisa ndati okuti wa kuatele omuenyo uwa?

Yesu wa kuatele ocimãho coku linga ocipango ca Suku komuenyo waye. Eye wa solele calua Isiaye kuenda omanu. Yesu wa kũlĩhĩle okuti, wa soliwile la Isiaye, kuenda wa taviwile laye. Ovituwa viaco, ovio vi kuatisa omunu oku kuata omuenyo uwa.—1/4, kamẽla 4-5.

Ovina vipi via kongela vocisoko ca Yehova palo posi?

Mua kongela ovina vimue ndeci: Osungu Yolombangi Via Yehova, Ovisoko Violofiliale, Vamanji va nyula akongelo, akulu vekongelo, akongelo, kuenda akundi.—15/4, kemẽla 29.

Momo lie tu popela tuti Suku ka lekisile ungangala poku nena eyambulo liaye?

Yehova ka sanjukila oku fa kuolondingaĩvi. (Esek. 33:11) Ovina a linga kosimbu vi lekisa okuti, wa solele omanu poku va lungula osimbu ka nenele eyambulo. Omo liaco, tu kuete elavoko lioku puluka keyambulo li keya kovaso yoloneke.—1/5, kamẽla 5-6.

Va Isareli va enda hẽ oku tulika olongangala koviti poku vi ponda?

Sio, hacoko. Kosimbu, olofeka vimue via kuata ocituwa caco, pole va Isareli hacoko va enda oku linga. Eci Ovisonehua vio Heveru via sonehiwa, omunu wosi o sesamẽla oku fa, noke yoku pondiwa o tulikiwa kuti. (Ovis. 20:2, 27) Omo liaco, oku tulika kuti etimba liondingaĩvi, ca kala elungulo komanu vakuavo.—15/5, kemẽla 13.

Momo lie omanu ka va tẽlela oku nena ombembua voluali?

Ndaño okuti omanu va siata oku linga ovina vialua, pole, ka va tẽla oku li songuila ovo muẽle. (Yer. 10:23) Omo okuti Satana eye ombiali yoluali lulo, omanu ka va tẽla oku nena ombembua. (1 Yoa. 5:19)—1/6, kemẽla 16.