Skip to content

Skip to table of contents

Olombangi Via Yehova

Select language Umbundu

Kenneth lukãi waye Jamie Cook

Manji Umue wa Vokiyiwa Kosungu Yolombangi Via Yehova

Manji Umue wa Vokiyiwa Kosungu Yolombangi Via Yehova

VOTATU komẽle, keteke 24, ya Susu wo 2018, ko Betele yo Estados Unidos kuenda yo Kanada, kua lingiwa esapulo liokuti, ketendelo Liosungu Yolombangi Via Yehova kua vokiyiwa manji Kenneth Cook, Jr.

Manji Cook wa citiwa kuenda wa kulila ko Pensilvânia, ko Estados Unidos. Eye wa lilongisa ocili Cembimbiliya lekamba limue kosikola osimbu ka malele osikola ya pita pokati. Eye wa papatisiwa keteke 7 yosãi Yevambi yunyamo 1980. Wa fetika oku talavaya ndukundi wotembo yosi keteke 1, yosãi Yenyenye Linene yunyamo 1982. Noke yanyamo avali ndukundi wotembo yosi, wa lalekiwa oku ka talavaya ko Betele ko Wallkill, Nova Yorke kuenje wa fetika upange waco keteke 2, yosãi ya Mbalavipembe yunyamo 1984.

Vokuenda kueci ci soka 25 kanyamo, manji Cook wa talavaya lomakina yoku Panga Alivulu kuenda ovopange akuavo ko Betele. Kunyamo 1996, eye wa kuela la manji Jamie kuenda kavali va talavaya kumosi ko Betele yo Wallkill. Kosãi ya Cembanima yunyamo 2009, manji Cook kumue lukãi waye va tumiwa ko Patterson, Nova Yorke. Manji Cook wa talavaya Voseketa Yoku Tuma Loku Tambula Ovikanda. Kosãi ya Kupupu 2016, ovo va tiukila ko Wallkill noke liotembo yimue va tumiwa ko Brooklyn, Nova Yorke. Noke yolosãi vitãlo, va ilukila kombala ko Warwick, Nova Yorke. Kosãi ya Susu 2017, manji Cook wa nõliwa oco a linge oñuatisi yocisoko Casonehi Yosungu Yolombangi Via Yehova.