Skip to content

Skip to table of contents

Olombangi Via Yehova

Select language Umbundu

 OSAPI YO KOÑOÑO | ULANDU WOKU PULUKA KUEMBIMBILIYA

Esunga Lieci Embimbiliya Lia Pulukila

Esunga Lieci Embimbiliya Lia Pulukila

Embimbiliya lia puluka. Omo liaco, koloneke vilo o pondola oku kuata Embimbiliya limue kuenda oku li tanga. Eci o tanga Ovisonehua via pongoluiwa vupopi umue wa leluka oku kuata elomboloko, o pondola oku kolela okuti, viopiwa Vovisonehua viatete. * Pole, momo lie Embimbiliya lia pulukila lonjila yimue yi komohĩsa kohele yoku nyõliwa, kelambalalo kuenda koloseteko vioku pengisa esapulo lialio? Ulandu upi u komohĩsa u sangiwa velivulu liaco?

Omanu valua okuti va lilongisa Embimbiliya, va kuete ovisimĩlo ndevi viupostolo Paulu wa soneha ndoco: “Ovina viosi via sonehiwa Vovisonehua vi Kola, vi tunda ku Suku.” (2 Timoteo 3:16) Ovo va tava okuti Embimbiliya lia siata oku puluka omo okuti olio lika Ondaka ya Suku kuenda eye, wa siata oku li teyuila toke koloneke vilo. Faizal wa tukuiwa kefetikilo liovipama vilo, wa nõlapo oku sandiliya atambululo kapulilo a kuata poku lilongisa Embimbiliya. Ovina a lilongisa vio komohĩsa. Eye wa limbuka okuti ovina via siata oku longisiwa vatavo esanda ka a sangiwa Vembimbiliya. Handi vali wa vetiyiwa locipango ca Suku catiamẽla kongongo ndomo ca situluiwa Vondaka Yaye.

Eye wa popia hati: “Kaliye nda limbuka okuti Embimbiliya ombanjaile yimue ya tunda ku Suku. Handi vali, nda Suku wa lulika oluali, ka kuete hẽ unene woku tu ĩha elivulu limue okuti o li teyuila? Ocili okuti Yehova Suku o kuete unene wa velapo! Ndi pondola hẽ oku tateka unene waye?” —Isaya 40:8.

^ tini. 3 Tanga Utala Wondavululi 1 ya Kupemba, wo 2008 losapi hati: “Como Você Pode Escolher Uma Boa Tradução da Bíblia?

“Kaliye nda limbuka okuti Embimbiliya ombanjaile yimue ya tunda ku Suku”