Skip to content

Skip to table of contents

Olombangi Via Yehova

Select language Umbundu

 OSAPI YO KOÑOÑO

Ceci Kufa Omunu Umue tu Sole

Ceci Kufa Omunu Umue tu Sole

“Suku wa kũlĩha eci ciwa. . . . Ku ka . . . lile  . . . a mõlange.”

Olondaka evi via sapuiwa kukãi umue o tukuiwa hati Bebe, eci isiaye wa tusuiwa lekãlu a kala oku kendiwa.

Bebe, wa kala ekamba lia isiaye. Ndaño okuti olondaka viaco via popiwa lekamba limue, pole, ka vio lembelekele. Eye wa enda oku sokolola olondaka viokuti, “olofa via isiaye ka via kalele ocina cimue ciwa.” Eci ci lekisa okuti eci Bebe a lombolola ulandu waco velivulu limue noke lianyamo amue, handi wa sumuile calua.

Ulandu wa Bebe weca uvangi wokuti eci kufa omunu umue tu sole calua, ka ci leluka oku yula esumuo liaco. Embimbiliya li tukula olofa hati, ‘unyali wa sulako.’ (1 Va Korindo 15:26) Ocili okuti, olofa vi tu kokela esumuo, ca piãla enene eci ku fa vocipikipiki omunu tu sole calua. Vosi yetu tu pondola oku liyaka locitangi caco. Omo liaco, ka ci tu komohĩsa nda tu yeva esumuo poku liyaka locitangi colofa viomunu umue tu sole calua.

Citava okuti wa lipulile ndoco: ‘Esumuo liaco li kamamako toke otembo yipi? Omunu o pondola oku liyaka ndati lesumuo liaco? Ndi pondola oku lembeleka ndati omanu va kasi oku liyakavo locitangi caco? Kuli hẽ elavoko liepinduko liomanu va fa?’