Skip to content

Skip to table of contents

Olombangi Via Yehova

Select language Umbundu

Oku Kũlĩha Suku ci Pondola Oku ku Kuatisa Ndati?

Oku Kũlĩha Suku ci Pondola Oku ku Kuatisa Ndati?

Toke cilo, tua lilongisa ndomo tu kuata etambululo liepulilo liokuti, Suku Helie? Tua fetika poku lilongisa Vembimbiliya okuti onduko yaye Yehova kuenda ocituwa caye ca velapo, ocisola. Tua lilongisavo ovina eye a linga kuenda evi a ka linga kovaso yoloneke okuti, vi ka kuatisa omanu. Osimbu amamako oku lilongisa ovina viatiamẽla ku Suku, o ka kũlĩha ndomo ci pondola oku ku kuatisa.

Yehova wa likuminya okuti, “nda ove u sanda, eye o tava oku sangiwa love.” (1 Asapulo 28:9) Sokolola esumũlũho o pondola oku kuata poku konomuisa loku kũlĩha Suku okuti, oku kuata ‘Ukamba uwa la Yehova!’ (Osamo 25:14) Oku kũlĩha Suku ci pondola oku ku kuatisa ndati?

Esanju liocili. Yehova o litukula eye muẽle okuti “Suku ukuesanju.” (1 Timoteo 1:11) Nda wa kuata ukamba laye kuenda wa setukula ovituwa viaye, ci ka ku kuatisa oku kuata esanju liocili li ku kuatisa kovisimĩlo, kolondunge kuenda ketimba. (Osamo 33:12) Ci pondolavo oku ku kuatisa oku kuata omuenyo umue wesanju, poku yuvula ekalo liomuenyo ka wa sungulukile, oku kuata ovituwa viwa viuhayele kuenda oku kuata akamba vawa. O ka tava kolondaka viukualosamo wa popia hati: “Ciwa oku kala ocipepi la Suku.”—Osamo 73:28.

Oku kapiwako. Yehova wa likuminya kafendeli vaye hati: “Hu lungula, hu imba ovaso.” (Osamo 32:8) Eci ci lomboloka okuti Yehova wa kapako omunu lomunu kuenda o va ĩha ovina va sukila. (Osamo 139:1, 2) Osimbu amamako oku linga ukamba la Yehova, o ka limbuka okuti olonjanja viosi o kasi ocipepi love.

Ekalo liwa kovaso yoloneke. Oco o kuate omuenyo wesanju cilo, Yehova Suku o ku lekisa elavoko limue li komohĩsa. (Isaya 48:17, 18) Embimbiliya li popia hati: “Omuenyo ko pui u lomboloka okuti ovo va ku kũlĩha okuti ove lika wu Suku yocili kuenda una ove wa tuma, Yesu Kristu.” (Yoano 17:3) Koloneke vilo via sulako, elavoko Suku a tu ĩha li sokisiwa ndonjundo yi tu kuatisa oku “kolela.”—Va Heveru 6:19.

A-a amue pokati kasunga a kuete esilivilo, a ku kuatisa oku kũlĩha ciwa Suku kuenda oku kuata ukamba uwa laye. O pondola oku sapela Lombangi yimue ya Yehova ale oku iñila vonunbi yo jw.org oco o sange alomboluilo akuavo a pondola oku ku kuatisa.