Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

Ndomo tu Kala Vakuambili Koku Lilongisa Ovisonehua

Ndomo tu Kala Vakuambili Koku Lilongisa Ovisonehua

O yongola hẽ oku kala ukuekolelo poku liyaka lovitangi ndeci Daniele a linga? Eye wa lekisa ombili koku lilongisa Ondaka ya Suku, oku kongelamo ovitumasuku. (Dan. 9:2) Oku lekisa ombili poku lilongisa Embimbiliya, ci ka ku kuatisa oku pandikisa lekolelo. Ndamupi? Eci ci ku kuatisa oku kolela okuti, olohuminyo via Yehova vi ka tẽlisiwa. (Yeh. 23:14) Ci ku kuatisavo oku pamisa ocisola cove ku Yehova kuenda ci ku vetiya oku linga ovina via sunguluka. (Osa. 97:10) Pole, pi o fetikila? Kũlĩhĩsa olonumbi vi kuãimo.

  • Nye Ndi Lilongisa? Voku lilongisa, mua kongela oku pongiya olohongele viekongelo. O kuatisiwa loku tangiwa Kuembimbiliya olosemana viosi, nda wa sanda otembo yoku konomuisa atosi ana okuti ka a ku lombolokele. Handi vali, omanu vamue va nõlapo oku lilongisa ovitumasuku Viembimbiliya, ovina vialua viatiamẽla kepako liespiritu lia Suku, ovongende wupange wumisionaliu wupostolo Paulu, ale ovina Yehova a lulika. Vokuenda kueteke, nda wa sokolola epulilo limue liatiamẽla Kembimbiliya, li soneha kuenda linga esokiyo, oco li pange onepa kelilongiso o ka linga onjanja yikuavo.

  • Pi ndi sanga ovina ndi lilongisa? Oco o sange olonumbi vimue, tala ovideo losapi hati: Ovimalẽho vi Kuatisa Oku Konomuisa Ovina vi Sangiwa Vembimbiliya. Oco o limbuke ukũlĩhĩso o kuete, konomuisa elomboloko liovoviali oluali a lekisiwa lovinyama via tukuiwa kelivulu lia Daniele kocipama 7.

  • Otembo yiñami ndi pondola oku lilongisa? Oku lilongisa olonjanja viosi, ci kuatisa koku pamisa ekolelo. O pondola oku fetika oku lilongisa votembo yimue yitito, noke nda ci sukiliwa, o vokiyako vokuenda kuotembo. Oku lilongisa Ondaka ya Suku, ci sokisiwa loku vanjiliya ukuasi wa selekiwa; okuti nda wa sanga ukuasi umue, o kuata onjongole yoku amamako oku vanjiliya! (Olosap. 2:3-6) Onjongole yove yoku lilongisa Ondaka ya Suku, yi ka livokiya kuenda elilongiso liaco li ka panga onepa komuenyo wove.—1 Pet. 2:2.

OVINYAMA VIA TUKUIWA KELIVULU LIA DANIELE OCIPAMA 7, VI LOMBOLOKA NYE?

  • Dan. 7:4

  • Dan. 7:5

  • Dan. 7:6

  • Dan. 7:7

EPULILO LIKUAVO:

Elivulu lia Daniele 7:8, 24 lia tẽlisiwa ndati?

VELILONGISO LIKUAVO:

Ovinyama via tukuiwa kelivulu Liesituluilo ocipama 13, vi lomboloka nye?