Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

“Ombanjaile Yimue Yeciwa ku Yehova”

“Ombanjaile Yimue Yeciwa ku Yehova”

Koloneke vilo tu ‘litumbika ndati ku Yehova’? (1 Asa. 29:5, 9, 14) Olonumbi vi kuãimo, vi lekisa olonjila via li tepa tu pondola oku kuama poku eca olombanjaile vietu, oco vi kuatise kupange Wolombangi Via Yehova ci kaile vocikanjo cetu, ale voluali luosi.

OLOMBANJAILE VI ECIWA LEKUATISO LIO INTERNET ALE VINA VI KAPIWA VOLOKASIA OCO VI KUATISE KUPANGE USOMA:

  • UPANGE U LINGIWA VOLUALI LUOSI

    Ovopange oku tunga ovitumãlo viefendelo, upange u lingiwa ko Betele kuenda koloseketa vioku pongolola alivulu etu

    olosikola viusoma

    vana va litumbika kupange wotembo yosi

    ceci ku pita ovilunga

    oku panga alivulu, oku ngalavala olovideo kuenda oku kapa ulandu wa pongoluiwa vo Internet

  • OLOMBONGO VIOKU LANDA OVINA VI SUKILIWA VEKONGELO

    olombongo vioku landa ovina vi sukiliwa vekongelo kuenda oku semũlũla Onjango Yusoma

    esokiyo ekongelo li linga lioku tuma olombanjaile ko Betele oco vi kuatise:

    • koku tunga Olonjango Viusoma kuenda Violohongele Vinene voluali luosi

    • Keliangiliyo Lioku Kuatisa Vamanji Kolonepa Viosi Violuali

    • kovopange akuavo a lingiwa voluali luosi

OLOHONGELE VIOFEKA KUENDA OLOHONGELE VIMBO

Olombanjaile vi eciwa kolohongele viofeka, vi kuatisa kupange usoma voluali luosi. Olombongo vi pesiwa kolohongele viofeka, kolohongele vilikasi kuenda kolohongele violofeka, via siata oku fetiwa lolombongo vi eciwa la vamanji voluali luosi.

Olombanjaile vi eciwa la vamanji vocikanjo cimue, vi kuatisa koku fetela ocitumãlo coku liongoluila, oku semũlũla onjango yolohongele vinene kuenda ovina vikuavo vi sukiliwa vocikanjo. Citava okuti vamanji vocikanjo caco va nõlapo oku eca olombongo via supapo oco vi kuatise kupange Wolombangi Via Yehova voluali luosi.