Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

Oku Likuata Omunga Poku Kundila Vocikanjo Muli Omanu va Vangula Alimi a Litepa

Oku Likuata Omunga Poku Kundila Vocikanjo Muli Omanu va Vangula Alimi a Litepa

Olonjanja vialua omanu va tava lonjonga kesapulo Liusoma eci va liyeva kelimi liavo muẽle. Eli olio esunga lieci okuti ko Pendekoste yunyamo 33 K.K., Yehova wa linga eliangiliyo oco “va Yudea vana va tavele haivo va tundile kolofeka viñi viñi voluali luosi,” va yeva olondaka viwa ‘kelimi liavo muẽle,’ ndaño okuti kotembo yaco omanu va enda oku vangula elimi lio Heveru ale lio Helasi. (Ovil. 2:5, 8) Koloneke vilo vovikanjo vina mu sangiwa omanu va vangula alimi a litepa, akongelo a siata oku linga olohongele kalimi aco, citava okuti va talavaya vocikanjo cimuamue. Akundi vakongelo vaco va pondola ndati oku likuata omunga poku eca uvangi, oco va yuvule oku temisa omanu vocikanjo?

  • Oku sokiya (Olosap. 15:22): Olomitavaso viupange woku kunda vi sukila oku li sapela pokati loku sokiya onjila yimue ya leluka okuti, yi kuatisa akundi oku kunda olondaka viwa lonjila yimue ya sunguluka. Nda ocikanjo cavo citito, akongelo a kunda kalimi akuavo, citava okuti va ku pinga oco ku ka kundile kolonjo vi kasi vocikanjo cove okuti omanu vaco, vangula elimi liavo. Pole, nda ka va tẽla oku kundila ocikanjo cosi, citava okuti va ku pinga oco o kundila kolonjo viosi, pole eci o sanga omunu umue o vangula elimi okuti wa lekisa onjongole o va sapuilako. (organizados kem. 93 ocin. 37) Ale ovo va pinga oco ekongelo liove li va kuatise oku sanga omanu va vangula elimi liavo kuenda oku tuma onumbi yolonjo viaco vocikanjo cavo. (wupange wusoma 7/12 kem. 5, okakasia) Ivaluka okuti olonjanja vimue, citava okuti vonjo yimosi o sanga omanu va vangula alimi a litepa. Aliangiliyo a lingiwa oku kundila ocikanjo cosi, a sukila oku li kuata lovihandeleko viofeka viatiamẽla konjila o kuama poku kundila omanu.

  • Oku li Kuata Omunga (Va Efe. 4:16): Kuama lutate olonumbi o tambula kumitavaso yene yupange woku kunda. Anga hẽ o kasi oku songola elilongiso limue Liembimbiliya okuti omunu waco ka vangula elimi li vanguiwa vekongelo o kasi? Omunu waco o pondola oku kula konepa yespiritu nda wo weca kumanji umue o kasi vekongelo ale kocimunga ci vangula elimi liaye.

  • Li pongiya (Olosap. 15:28; 16:1): Nda omunu wa sanga vocikanjo cove o vangula elimi likuavo, li kolisilako oku u kundila. O pondola oku lipongiya poku kũlĩhĩsa alimi a vanguiwa vocikanjo cove kuenda oku tapa alivulu, olovideo, loku vi kapa votelefone yove. O pondola oku talavaya lo JW Language oco o lilongise oku lama kalimi amue.