Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

O Lipongiyila Ndati Oku Enda Kocipito Conjivaluko Yolofa Via Yesu?

O Lipongiyila Ndati Oku Enda Kocipito Conjivaluko Yolofa Via Yesu?

Oku upisa kunyamo ulo, tu ka kuata otembo yalua yoku lipongiyila Ocipito Conjivaluko Yolofa via Kristu. Nda eteke Liocipito Conjivaluko yi lingiwa vokati kosemana, vosemana yaco ka ku ka lingiwa ohongele Ekalo Lietu Tuakristão Kuenda Oku Kunda. Nda ocipito Conjivaluko ci lingiwa kesulilo liosemana, ka ku ka lingiwa ohundo yowiñi kuenda elilongiso Liutala Wondavululi. Anga hẽ, o ka sokiya ciwa otembo yove? Ndeci ca enda oku lingiwa kosimbu, tu pondola oku linga esokiyo liwa liovina vi ka lingiwa vepuluvi liaco li li kasi. (Luka 22:7-13; upange wetu wusoma 3/2015 kem. 1) Pole, vosi yetu tu pondola oku pongiya ovitima vietu oco tu kuatisiwe lepuluvi liaco. Tu ci linga ndati?

Akundi vamue va tanga kuenda va sokolola lutate Kocipama Cembimbiliya Catiamẽla Konjivaluko ci sangiwa velivulu Konomuisa Ovisonehua Eteke Leteke. Vakuavo va tanga ovinimbu Viembimbiliya vi sangiwa vulala u kasi vokakasia. Handi vakuavo, va pitulula ovipama Viutala Wondavululi u lombolola ovina viatiamẽla Kocipito Conjivaluko kuenda ocisola Yehova la Yesu va lekisa kokuetu. Esokiyo liosi o linga lielilongiso, li ka ku kuatisa oku kuata ukamba uwa la Yehova kuenda Lomõlaye.