Skip to content

Skip to table of contents

Olombangi Via Yehova

Select language Umbundu

 EKALO LIETU TUA KRISTÃO

Pokola Kolonumbi Viwa Via Yehova

Pokola Kolonumbi Viwa Via Yehova

Yehova Suku wa tumbika olonumbi viwa vi kuatisa omanu. Eye wa handeleka okuti olohuela, elitokeko liulume lukãi li kala otembo yosi. (Mat. 19:4-6, 9) Eye o pisa ovina viosi viatiamẽla kevĩho liukahonga. (1 Va Kor. 6:9, 10) Yehova wa ecavo olonumbi viatiamẽla kuwalo kuenda koku liposuisa, oco vi tepise afendeli vaye.Esin. 22:5; 1 Tim. 2:9, 10.

Koloneke vilo, omanu valua ka va kapeleko olonumbi via Yehova. (Va Rom. 1:18-32) Ovo va ecelela okuti ovisimĩlo viomanu vakuavo vi vetiya oku wala kuavo, oku liposuisa kuenda ovituwa viavo. Omanu valua va lipandela ovituwa viavo vĩvi kuenda va sepula vana va kuete ovituwa via litepa levi viavo.1 Pet. 4:3, 4.

Omo okuti Tulombangi Via Yehova, tu sukila oku teyuila lutõi olonumbi viwa via Suku. (Va Rom. 12:9) Tu ci linga ndati? Tu sukila oku kũlĩha lutate ovina vi taviwa laye. Pole, tu sukilavo oku vi kapako komuenyo wetu. Omo liaco, poku nõla uwalo umue loku liposuisa, tu sukila oku lipula ndoco: ‘Uwalo wange loku liposuisa ku situlula hẽ okuti nda kapako olonumbi via Yehova, ale violuali? Anga hẽ uwalo wange loku liposuisa ku situlula okuti Ndukristão umue wa sumbila Suku?’ Poku nõla ocipama cimue ale ofilme yimue tu yongola oku tala, tu sukilavo oku li pula ndoco: ‘Ocipama eci ci taviwa hẽ la Yehova? Ci situlula ovituwa vielie? Ovitalukilo nda siata oku nõla vi honguisa ovituwa viange viwa? (Osa. 101:3) Vi pondola hẽ oku kokela ocilondokua kepata ale komanu vakuavo?’1 Va Kor. 10:31-33.

Momo lie ci kuetele esilivilo kokuetu oku pokola kolonumbi viwa via Yehova? Yesu kristu ndopo o ka kundula oluali lulo kuenda o ka malako ovina viosi via vĩha. (Esek. 9:4-7) Vana va linga ocipango ca Suku ovo lika va ka kala otembo ka yi pui. (1 Yoa. 2:15-17) Omo liaco, tu likolisiliko oku kapako olonumbi via Yehova, oco okuti omanu vana va mola ovilinga vietu viwa, va sivaya Suku.1 Pet. 2:11, 12.

TALA OVIDEO LOSAPI HATI: KALA EKAMBA LIA YEHOVA—ULUME, LUKÃI. NOKE KŨLĨHĨSA APULILO A KUÃIMO:

  • Momo lie ci kuetele esilivilo oku kapako olonumbi via Yehova komuenyo wetu?

  • Momo lie olonjali vi sukilila oku longisa komãla vavo olonumbi via Yehova tunde vutila?

  • Amalẽhe lakulu va pondola oku kuatisa ndati vakuavo oco va kuatisiwe lohenda ya Suku?