Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

Tu Mioñololi Uloño Wetu Kupange Woku Kunda—Oku Fetika Ombangulo Oco tu Kuate Epuluvi Lioku Kunda

Tu Mioñololi Uloño Wetu Kupange Woku Kunda—Oku Fetika Ombangulo Oco tu Kuate Epuluvi Lioku Kunda

Yesu wa tẽla oku eca uvangi ka wa sokiyiwile kukãi u Samaria, momo wa fetika ombangulo lukãi waco. Tu pondola oku mioñolola ndati uloño wetu poku fetika ombangulo lomanu vo kolofeka vikuavo?

  • Lekisa esanju kuenda sapela lomanu. Yesu ndaño okuti wa kavele, wa fetika ombangulo poku pinga ovava. Ove o pondolavo oku fetika ombangulo poku lama lesanju kuenje, o vangula eci catiamẽla kotembo, ale ulandu umue u kasi oku pita. Ivailuka okuti ocimãho cove catete oku fetika ombangulo, omo liaco, citava okuti o vangula ulandu umue u pondola oku vetiya omunu. Nda omunu waco ka tavele, ka ci lekisa okuti alikolisilo ove ka a kuete esilivilo. Citava okuti o seteka oku vangula lomunu ukuavo. Pinga ku Yehova oco a ku ĩhe utõi.—Neh. 2:4; Ovil. 4:29.

  • Lavulula apuluvi osi oco o kunde olondaka viwa, pole, ku ka kuate onjanga. Ecelela okuti ombangulo yene yamamako lonjila yimue ya leluka. Nda wa kisika omunu oku vangula, citava okuti ka kala ciwa kuenda ka tava vali oku amisako lombangulo. Ku ka sumue nda ombangulo ya sulila osimbu handi kua ecele uvangi. Nda ka ca lelukile kokuove oku fetika ombangulo yoku kunda olondaka viwa, kuama onepa yoku fetika ombangulo pole ku ci lingi locimãho coku eca uvangi. [Lekisa ovideo 1 kuenda linga apulilo kolonjeveleli atiamẽla kovideo yaco 1.]

  • Seteka oku sanda epuluvi lioku eca uvangi, poku lombolola catiamẽla kekolelo liove kuenje ci vetiya omunu wa sanga oku pinga elomboluilo limue. Yesu wa lombolola ovolandu amue a komõhisa okuti, a vetiya ukãi oku linga apulilo. Kuenje eci Yesu a lombolola olondaka viwa, wa tambulula apulilo wukãi waco. [Lekisa ovideo 2 kuenda linga apulilo kolonjeveleli atiamẽla kovideo yaco, kuenje lekisa ovideo 3 loku linga apulilo.]