Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

Ovopange Awa ka a Ivaliwa

Ovopange Awa ka a Ivaliwa

Afendeli vosi va Yehova va pondola oku kuata ovolandu awa atiamẽla kovopange a kola a Suku yetu. Ndeci onjali yimue ukuacisola a kapako ovopange omãla vaye, Yehova ka ivalako upange kuenda ocisola tu lekisa konduko yaye. (Mat. 6:20; Va Hev. 6:10) Ocili okuti, vosi tua loñolohã volonepa via litepa kuenda ekalo lietu liomuenyo lia litepavo. Omo liaco, nda tua likolisilako oku vumba Yehova, tu kuata esanju. (Va Gal. 6:4; Va Kol. 3:23) Vokuenda kuanyamo, vamanji valua va siata oku litumbika kupange wo Betele. Ove hẽ o pondolavo oku lieca olumue oco o talavaye ko Betele? Nda haicoko ocimãho cove, o pondola hẽ oku vetiya manji umue oku ci linga ale oku kuatisa manji umue o kasi ale kupange waco, oco amameko oku tẽlisa ocikele caco ci likasi?

LEKISA OVIDEO LOSAPI HATI, CECI O SUKILA OKU LINGA OCO O LIECE OLUMUE KUPANGE WO BETELE, KUENDA TAMBULULA APULILO A KUÃIMO:

  • Nye ci ku vetiya oku talavaya ko Betele?

  • Nye vamue va popia catiamẽla kasumũluho va kuata omo lioku talavaya ko Betele?

  • Nye ci sukiliwa oco omunu a talavaye ko Betele?

  • O lisonehĩsa ndati kupange wo Betele?