Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

Talavaya Lolovideo Oco o Kuatise Omanu o Longisa Embimbiliya

Talavaya Lolovideo Oco o Kuatise Omanu o Longisa Embimbiliya

Ovindekaise vi vetiya onjongole yomanu kuenda vi va kuatisa oku kuata elomboloko loku ivaluka ovina va lilongisa. Yehova, wa talavaya lovindekaise oco a longise ovina vi kuete esilivilo. (Efet. 15:5; Yer. 18:1-6) Yesu Ulongisi wetu Wavelapo wa talavayavo lovindekaise. (Mat. 18:2-6; 22:19-21) Onjila yimue yoku talavaya lovindekaise okuti yi kasi oku kuatisa kanyamo asulako, olovideo. O kasi hẽ oku talavaya ciwa lolovideo poku songola alilongiso Embimbiliya?

Kua sokiyiwa olovideo ekũi oco vi tu kuatise oku songola alilongiso Embimbiliya vovipama viombrochura losapi hati: Olondaka Viwa vi Tunda ku Suku! Olonjanja vimue, olosapi violovideo via kunamẽla kapulilo a tekãvelua a sangiwa vombrochura yaco. Ombrochura yi sangiwa vo jw.org, yi tu kuatisa oku limbuka epuluvi tu pondola oku lekisa ovideo. Handi vali, olovideo vikuavo vi kuatisa poku songola alilongiso Embimbiliya kalivulu a sangiwa Vovimãleho Vietu Vioku Longisa.

O kasi hẽ oku lombolola ondaka yimue Yembimbiliya okuti omunu o kasi oku longisa ka kasi oku kuata elombokoko? Ale, omunu o longisa Embimbiliya o kasi oku liyaka locitangi cimue? Sandiliya volovideo vi sangiwa vo jw.org® kuenda vo JW Broadcasting®, oco o sange yimue yi pondola oku u kuatisa. Citava okuti ove kumue lomunu o longisa, vu taleli kumosi ovideo yimue noke vu sapela ovina wa moli vovideo yaco.

Osãi losãi kua siata oku sandekiwa olovideo viokaliye. Osimbu o tala olovideo viaco, sokolola ndomo o talavaya lavio poku longisa vakuavo.