Skip to content

Skip to table of contents

Olombangi Via Yehova

Select language Umbundu

 EKALO LIAKRISTÃO

Tu mioñololi Uloño Wetu Kupange Woku Kunda—Poku Sapela Lomanu Vosi Vocikanjo Cetu

Tu mioñololi Uloño Wetu Kupange Woku Kunda—Poku Sapela Lomanu Vosi Vocikanjo Cetu

ESUNGA LIECI CI KUETELE ESILIVILO: Uprofeto Sakariya wa popia okuti omanu valimi olofeka viosi, va laikele oku tava kolondaka viwa. (Sak. 8:23) Pole, helie o ka va longisa? (Va Rom. 10:13-15) Tu kuete esumũlũho kuenda ocikele coku kundila olondaka viwa komanu vosi vocikanjo cetu.—od kem. 84 ocin. 10-11.

NDOMO TU CI LINGA:

  • Lipongiya. Wa siata hẽ oku sanga omanu va vangula elimi likuavo? O pondola oku talavaya lo JW Language oco o lilongise ndomo o fetika ombangulo. Ale lekuatiso liotelefone yove, o pondola oku lekisa komunu ndomo a sanga ovipama vikuavo kelimi liaye vo jw.org

  • Lavulula. Nda o kasi oku kundila konjo lanjo, ku ka pumbe epuluvi lioku eca uvangi komanu vana va kevelela o kalela. Nda o kasi oku kundila pocitumãlo pali omanu valua, tiamisila utima kocimãho cove okuti, oku eca uvangi.

  • Kala ukuambili. Likolisilako oku sandiliya omanu vana okuti, onjanja yatete kua va sangele konjo. Likolisilako oku totola olonjo viosi, valivala alitepa ale veteke likuavo liosemana. Omanu vamue ci sukila oku va kundila lekuatiso liovikanda, lotelefone ale volokololo.

  • Vetiya onjongole. Linga lonjanga epasu oco o vetiye onjongole yomanu wa sangele. Nda omunu o vangula elimi likuavo, sanda manji umue o vangula elimi liaye oco o kuatise. O pondola oku amamako oku nyula omunu waco toke eci a nyuliwa la manji o vangula elimi liaye.—od kem. 94 ocin. 39-40

TALA OVIDEO LOSAPI HATI: OKU KUNDILA “KOVITUMÃLO VI KASI OCIPÃLA” KUENDA TAMBULULA APULILO A KUÃIMO:

  • Aliangiliyo api vamanji va linga oco va tẽle oku kundila omanu kovikanjo vi kasi ocipãla? (1 Va Kor. 9:22, 23)

  • Ovitangi vipi va liyaka lavio?

  • Asumũlũho api ovo va kuata?

  • Alikolisilo api o pondola oku linga oco o kundile omanu vosi vocikanjo cove?