Va Roma 16:1-27

  • Paulu o tumisa Febe ukuakuvumba ekongelo (1, 2)

  • Ovilamo Kakristão vo ko Roma (3-16)

  • Alungulo atiamẽla kolonepele (17-20)

  • Ovilamo via tunda kakamba vupange va Paulu (21-24)

  • Elumbu li kola lia situluiwa (25-27)

16  Ñasi oku ku tumisi* manjetu ukãi, Febe, o vumba vekongelo lio Kengerai,  okuti u tambuli vu Ñala ndeci ca sesamẽla olosandu kuenda u wĩhi ekuatiso a sukila, momo wa teyuila valua oku kongelamo ame.  Lamisipo Priska, la Akuila akamba vange kupange wa Kristu Yesu,  okuti va kapa omuenyo wavo kohele oco va popele omuenyo wange, vana okuti ame kumue la vosi vakongelo a vakualofeka tua va pandiya.  Lamisipovo ekongelo li kasi konjo yavo. Lamisipo Epeneto o soliwe, haeye ondonge yatete ya Kristu vo Asia.  Lamisipo Maria, una wo lingili upange walua.  Lamisipo Androniko la Juniasi va ngandiange, va kala olomandekua kumue lame kuenda va kũlĩhĩwa ciwa lovapostolo, haivo oloñame via Kristu otembo yalua okuti ame ci sule.  Lamisipo Ampliato o soliwe vu Ñala.  Lamisipo Urbanu ekamba lietu kupange wa Kristu kuenda Staku, o soliwe. 10  Lamisipo Apele, una wa koleliwa vu Kristu. Lamisipo vana va kasi konjo ya Aristobolo. 11  Lamisipo Herodiyana, ngandiange. Lamisipo vana va kasi konjo ya Narkisu, okuti olondonge via Ñala. 12  Lamisipo Trufaina la Trufosa, akãi vana okuti va likolisilako kupange wa Ñala. Lamisipo Persi, o soliwe letu, momo ukãi umue wa linga upange walua vu Ñala. 13  Lamisipo Rufu, wa nõliwa vu Ñala kuenda inaye, una ndi tukulavo okuti ina yange. 14  Lamisipo Asungrito, Flegone, Hermes, Patroba, Herma kuenda vamanji va kasi lavo. 15  Lamisipo Filologo, Julia, Nereu kuenda mukãi waye, la Olumpa, lolosandu viosi vi kasi lavo. 16  Lilami pokati lasipulo ocisola. Akongelo osi a Kristu o lami. 17  A vamanji, ndu pingi siti, lavululi vana va koka olonepele kuenda ocilondokua, haivo ka va tava kelongiso ene wa lilongisi kuenda va yuvuli. 18  Momo omanu vaco hapikako va Ñala yetu Kristu, puãi apika voloñeyi vĩvi viatimba avo; va yapuisa ovitima viomãla vamãle lolondaka viavo viusosẽle lombambe. 19  Epokolo liene lia limbukiwa la vosi kuenda ndu sanjukili. Pole, njongola okuti vu kuata olondunge oco vu kũlĩhe eci ciwa, loku kala omãla vamãle kovina vĩvi. 20  Kuenje Suku, una eca eca ombembua ndopo o ka sasõla Satana vemehi liolomãhi viene. Ohenda ya piãla ya Ñala yetu Yesu yi kale lene. 21  Timoteo ekamba liange kupange, wo lamipo kuenda Lukiu, Yasone, Sosipatero va ngandiange. 22  Lame ndi Tertiu, una wa soneha ukanda owu, ndu lamipo vu Ñala. 23  Gaio u wa njekisa haeye wa yekisa ekongelo liosi, wo lamipo. Erasto ukuambango* volupale, wo lamipo kuenda Kowartu manjaye. 24  —— 25  Cilo Suku una o tẽla oku u kolisi, lolondaka viwa ñasi oku sapula loku kunda catiamẽla ku Yesu Kristu, ndesituluilo lielumbu li kola, lia sitikiwile tunde osimbu, 26  pole, cilo lia situluiwa kuenda lia sapuiwa lovisonehua vio vaprofeto pokati kolofeka viosi locihandeleko ca Suku ka pui, okuti va lekisa ekolelo loku pokola kokuaye; 27  ku Suku okuti eye lika ukualondunge, ku eciwe ulamba vonduko ya Yesu Kristu otembo ka yi pui. Amene.

Footnotes

Ale, “ndu kundiki.”
Ale, “kalei.”