2 Va Korindo 9:1-15

  • Ombili yoku eca (1-15)

    • Suku o sole u eca lesanju (7)

9  Catiamẽla kupange u kola wolosandu, ka ci sukila okuti ame ndu soneheli,  momo nda kũlĩha ombili yene yina nda lipandela ku va Makedonia, okuti cilo va Akaya va lipongiya ale vokuenda kunyamo kuenda ombili yene ya vetiya valua pokati kavo.  Pole, ñasi oku tuma vamanji okuti oku lipanda kuetu kokuene ka ku lingi kuesanda, puãi ndi lavoka okuti vu lipongiya ndeci ndo sapuilili ale.  Kuenje nda va Makedonia vana veya kumue lame vo sangi okuti ka wa lipongiyili, ci tu linga etu osõi, ene ca piãla omo liekolelo tu vu kueteli.  Ndi sima okuti ca sukilile oku pañinya vamanji oco veye selo kokuene, loku pongiya selo ombanjaile yene wa likuminyi, okuti yi pongiyiwa selo ndombanjaile yocisola, okuti ka yi kisikiwa.  Pole, wosi o waya ombuto yitito ungulavo citito, wosi o waya ombuto yalua ungulavo calua.  Omunu lomunu a linge ndeci a sokiya vutima waye, halocikukũiko pamue oku kisikiwa, momo Suku o sole u eca lesanju.  Suku o pondola oku wĩhi ohenda yaye ya piãla okuti olonjanja viosi vu kuete eci cu tẽli, okuti vu kuata cosi ci sukiliwa kupange uwa.  (Ndeci ca sonehiwa citi: “Eye eca olombanjaile vialua; wa eca eca kolosuke. Kuenje esunga liaye li kala otembo ka yi pui.” 10  U eca ombuto ku o kũla kuenda ombolo yoku lia, o ko wĩhivo ombuto yoku kũla kuenje o luisa oku ungula kuesunga liene.) 11  Suku o vu sumũlũisi calua okuti vu ecavo calua kuenje omanu va vetiyiwa oku pandula Suku omo liombanjaile yene tu ka eca ku vakuene; 12  momo upange owu ka u kuatisa lika olosandu, pole, omo liupange waco u kola, valua va ka eca olopandu ku Suku. 13  Upange vu kasi oku linga weca uvangi wokuti ene vumanu vawa kuenda ovo va sivaya Suku omo liepokolo liene kolondaka viwa viatiamẽla ku Kristu osimbu vu kasi oku vi sapula kuenje wa eci ombanjaile yene yocisola kokuavo kuenda ku vosi. 14  Kuenje ovo vo likutililiko kuenda vo kuateli ocisola omo liohenda ya piãla Suku a lekisa kokuene. 15  Pandu pandu ku Suku omo liocali caye ca piãla.

Footnotes