2 Va Korindo 13:1-14

  • Alungulo a sulako kuenda evetiyo (1-14)

    • “Likũlĩhĩsi ene muẽle nda vu kasi vekolelo” (5)

    • Oku penguluiwa; oku sima cimuamue (11)

13  Yilo oyo onjanja yatatu njiya kokuene. “Luvangi wolombangi vivali ale vitatu, ovina viosi vi potoluiwa.”  Ndaño si kasipo cilo, ci kasi ndu okuti ndeya onjanja yavali kuenje ngeca elungulo liange ku vana va lingile ekandu osimbu kuenda ku vosi vakuavo, okuti eci njiya vali lomue o puluka kepindiso,  momo vu sandiliya ondimbukiso yokuti Kristu una okuti ka honguele lene, pole, wa pama pokati kene, o kasi oku vanguila vokuange.  Momo eye wa pondiwila kuti omo liehonguo, pole, o kasi lomuenyo omo liunene wa Suku. Letuvo tua hongua ndeci eye a honguele, puãi tu kala lomuenyo ndeci eye a kasi lomuenyo omo liunene wa Suku u kasi pokati kene.  Likũlĩhĩsi ene muẽle nda vu kasi vekolelo, loku limbuka nda vu kasi oku linga eci ciwa. Ale ka wa limbukili okuti Yesu Kristu o kasi kumue lene? Te lika nda ka wa taviwili la Suku.  Ndi lavoka okuti vu limbuka okuti tua taviwa la Suku.  Cilo tu likutilila ku Suku oco ka vu ka lingi lacimue cĩvi, ka tu ci lingila oco vakuetu va limbuke okuti tua taviwa, pole, tu linga eci ciwa ndaño vakuetu ka va tu tava.  Momo ka tu lingi lacimue ci patãla ocili, te oku yakela ocili.  Etu puãi tua sanjuka ndaño okuti tua hongua, pole, ene wa pami. Eci oco tu likutililila okuti, vu pengulula ovisimĩlo viene. 10  Eli olio esunga lieci ndo soneheleli ovina evi osimbu sia kalepo, okuti eci ñalapo si vangula lukãlu omo liomoko Ñala a nyĩha yoku pamisa okuti, hayoku nyõlako. 11  Oku sulako, a vamanji, amamiko lesanju, loku penguluiwa, oku lembelekiwa, oku sima cimuamue, loku kala lombembua; kuenje Suku yocisola kuenda yombembua o kala lene. 12  Lilami pokati lasipulo ocisola. 13  Olosandu viosi vio tumisi ovilamo. 14  Ohenda ya piãla ya Ñala Yesu Kristu locisola ca Suku kuenda espiritu sandu lina lia siata oku u kuatisi vekongelo, li kale lene vosi.

Footnotes